Озодаи Эмомалӣ: Ҳеч гоҳ шаҳрвандонамонро танҳо намегузорем
Ӯ зимни як ҳамоиш дар шаҳри Душанбе гуфтааст, "намояндагиҳо дар ҳамоҳангӣ бо Вазорати умури хориҷии Тоҷикистон дар асоси салоҳиятҳои худ ба рушду таҳкими робитаҳо бо ҳамватанони бурунмарзӣ ҳамаҷониба мусоидат карда, дар асоси меъёрҳои ҳуқуқи байналмилалӣ ва қонунгузории кишвар аз ҳуқуқу манфиатҳои шаҳрвандон дар хориҷа ҳимоят мекунанд."
Ба гуфтаи Озодаи Эмомалӣ, ҳоло дар хориҷ аз кишвар 30 намояндагии дипломатӣ ва 14 консули Тоҷикистон фаъолият мекунад, ки вазифаашон ҳамкорӣ бо ҳамватанони бурунмарзӣ ва ҳалли мушкилиҳои онҳо ба шумор меравад.
Ин дар ҳолест, ки Иззат Амон, яке аз корбарони фаъоли шабакаи иҷтимоии Фейсбук дар саҳифаи худ аз афзоиши мушкилоти муҳоҷирони кории тоҷик дар Русия баъд аз қарори ахири сарвазири ин кишвар оид ба манъи вуруд бо шиносномаҳои дохилӣ хабар додааст. Ба қавли Иззат Амон, гӯиё пулисҳои Русия назорати иҷрои ин қарори сарвазири худро, ки интизор мерафт, аз моҳи январи соли 2015 амалӣ шавад, аз ҳоло шуруъ карда, аз муҳоҷирон бидуни асос маблағ меситонанд. “Даҳҳо шаҳрвандони Тоҷикистон бо ман тамос гирифта, шикоят доранд, ки пулис аз онҳо ба хотири иҷро накардани қарори дирӯзаи ҳукумати Русия дар бораи манъи вуруд ба қаламрави ин кишвар бо шиносномаҳои дохилӣ пул гирифтаанд,”- навиштааст, Иззат Амон.
Дмитрий Медведев, сарвазири Русия рӯзи 23 июни соли ҷорӣ зери қарори наве имзо гузошт, ки бар асоси он вуруди сокинони Тоҷикистон сар аз 1-уми январи соли 2015 бо шиносномаҳои дохилӣ ба Русия манъ буда, омадурафт ба ин кишвар танҳо бо шиносномаҳои хориҷӣ, дипломатӣ ва шиносномаи баҳрнавард мумкин аст.
То ҳол қарори дахлдор аз соли 2005 амалӣ мешуд, ки имкон медод, шаҳрвандони Тоҷикистон ба Русия бо шиносномаҳои дохилӣ рафтуомад дошта бошанд. Акнун ҳукумати Русия азм дорад, на дертар аз соли 2015 рафтуомад бо кишварҳои Иттиҳоди Давлатҳои Мустақил (СНГ)-ро, ба истиснои кишварҳои Иттиҳоди гумрукӣ, тариқи шиносномаҳои хориҷӣ роҳандозӣ кунад.
Шумораи муҳоҷирони кории тоҷик танҳо дар Русия беш аз як миллион буда, ахиран Хадамоти федеролии муҳоҷирати Русия шумораи онҳоро 1 миллиону 170 ҳазору 825 нафар эълон карда буд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
