НАТО иҷозаи истифода аз замину фазои Тоҷикистон гирифт: Ба ивази чӣ?
Маҷлиси намояндагон имрӯз, 25-уми июн бо тасвиби як созишнома ба НАТО иҷоза дод, ки аз роҳҳои заминию ҳавоии Тоҷикистон истифода кунад.
Саттор Холов, раиси Кумитаи оид ба тартиботи ҳуқуқӣ, мудофиа ва амнияти парлумон гуфт, бо тасвиби созишнома Тоҷикистон ба Созмони Аҳдномаи Атлантикаи Шимолӣ ё худ НАТО иҷоза дод, ки зимни хуруҷи нерӯҳо аз Афғонистон аз роҳҳои заминию ҳавоии кишвари мо истифода барад. Холов таъкид кард, ки ба ивази ин НАТО ба Тоҷикистон кумакҳои молӣ ва силоҳу аслиҳаро ироа хоҳад кард.
Ин вакили парлумон илова намуд, ки созишномаи дуҷонибаи Тоҷикистон бо НАТО дар мавриди дастгирии ҳайат ва нерӯҳои ин созмон соли 2004 дар Душанбе ба тасвиб расида буд ва тибқи он созишнома ҳайат ва неруҳои НАТО ҳақ доранд ҳангоми бозгашт аз Афғонистон аз қаламрави Тоҷикистон истифода кунанд.
Қарор аст, то охири соли 2014 низомиёни НАТО аз ҳудуди Афғонистон берун раванд. Баъди мухолифатҳои Покистон паймон бо кишварҳои “шабакаи шимол” - Узбакистон, Тоҷикистон, Қазоқистон, Қирғизистон ва Русия мувофиқа намуд, ки дороиҳо ва таҷҳизоти низомии Нерӯҳои байнулмилалии мусоидат ба амният ё ISAF-и НАТО асосан тариқи ин кишварҳо берун оварда шаванд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |