Нуралиев: Буҳрони "Барқи тоҷик” танҳо айби роҳбарият нест (ВИДЕО)
Дар доираи тасвиби созишномаи қарзии Тоҷикистон бо Бонки исломии Рушд, ки баргардондани маблағи он ба дӯши ширкати “Барқи тоҷик” вогузор шудааст, дар парлумон вазъи молии ин ширкат мавриди баррасӣ қарор гирифт.
Ҷамолиддин Нуралиев, муовини аввали вазири молияи Тоҷикистон зимни муаррифии лоиҳаи қарзӣ дар парлумон гуфт, ки маблағи умумии ин созишнома 14миллиону 500 ҳазор долларро ташкил медиҳад. Ба гуфтаи оқои Нуралиев аз ин миён 13 миллион доллар қарзи имтиёзноки БИР ба Тоҷикистон буда, 1,5 ҳиссаи он аз аз ҳисоби ширкати саҳҳомии “Барқи тоҷик” мебошад.
Ин маблағҳо барои таҷдиди зеристгоҳи барқии “Равшан” дар минтақаи Турсунзода равона хоҳанд шуд, ки ба гуфтаи Ҷамолиддин Нуралиев дар ҳолати фарсуда қарор дорад: “Бояд зикр кард, ки зеристгоҳи мазкур дар соли 1963, яъне бештар аз 50 сол мешавад, ки мавриди истифода қарор дорад. Ва ҳоло он фарсуда шудааст, ки ин боиси мунтазам бо барқ таъмин нагардидани сокинони Шаҳринаву Турсунзода гардидааст.”
Ҷамолиддин Нуралиев илова намуд, ки Вазорати молияи кишвар созишномаи зерро бо мақсади баланд бардоштан ва сифатнок анҷом додани корҳо роҳандозӣ кардааст: “Нақшаи татбиқи лоиҳаи мазкур 44 моҳро баъд аз ба расмият даровардани созишномаи қарзӣ дар бар мегирад. Дар ин муддат ба маблағи 9 миллион доллар таҷҳизот харидорӣ ва насб карда хоҳад шуд. Ҳамчунин ба маблағи 3 миллион доллар корҳои сохтмонӣ ба анҷом мерасанд.”
Дар ҳамин маврид Сӯҳроб Шарифов, вакили парлумон аз вазъи молӣ ва нигарониҳои зиёд атрофи ширкати саҳомии “Барқи тоҷик” ёдоварӣ кард. Оқои Шарифов гуфт, ки чӣ гуна вақте як ширкат шароити хуби молӣ надорад дар созишномаҳои қарзӣ ҳамчун саҳмгузор ёд карда мешавад: “Шумо дар умум таҳлил мекунед? “Барқи Тоҷик” шароити молии хуб надорад ва оё бо ин қарзгириҳо мо “Барқи тоҷик”-ро ба муфлисшавӣ оварда намерасонем? Оё ин ширкат тавони пардохти ин ҳама қарзҳоро дорад ё на?”
Дар посух ба ин пурсиши вакили парлумон, Ҷамолиддин Нуралиев гуфт, ки бад будани шароити молии “Барқи тоҷик” пӯшида нест: “Аммо он мушкилоте, ки “Барқи тоҷик” дорад, он танҳо мушкили менеҷментӣ нест. Ин ҳамчун проблемаҳои институтсионалӣ, зерсохторӣ ва умуман занҷири идора, таъмин ва фаъолияти корхона мебошад, ки дар маҷмӯъ аз нигоҳи дигар онро бояд таҳлил намуд.”
Муовини аввали вазири молия гуфт, ки созишномаи қарзии мазкур барои “Барқи тоҷик” даромад хоҳад овард. Ба гуфтаи номбурда аз ҳисоби қарзи имтиёзноки ҷалбшуда, аз ҳар доллар 35 сент ба манфиати кишвар хоҳад шуд.
Ба гуфтаи оқои Нуралиев муҳлати пардохти қарзи мазкур (14,5 милион долар) 25 сол буда, аз ин миён 7 соли он давраи имтиёзнок мебошад: “Мо ният дорем, ки дар ин 7 сол “Барқи тоҷик” аз вазъи имрӯза бароварда шавад.”
Нуралиев мегӯяд, ки аҳолии минтақаи Турсунзодаю Шаҳринав ҳамасола то 22 ҳазор нафар зиёд шуда, ба ҳамин минвол теъдоди аҳолӣ то соли 2017, 485 ҳазор нафарро ташкил хоҳад дод ва мувофиқан талабот ба барқ низ бештар хоҳад шуд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
