26 июн 2014 09:27Тоҷикистон / Сиёсат

Паёми табрикотии Эмомалӣ Раҳмон: ВАО, созмонҳо ва аҳзоб эҳтиёткор бошед!

Эмомалӣ Раҳмон, раисиҷумҳури Тоҷикистон дар паёми табрикияш ба муносибати 17-умин солгарди имзои Созишномаи умумии истиқрори сулҳ ва ризоияти миллӣ аз тамоми мардум, аҳзоб, расонаҳо ва созмонҳо даъват намуд, ки зери сиёсати Ваҳдат муттаҳид бошанд.

Дар навори табрикотии Эмомалӣ Раҳмон ба муносибати Рӯзи Ваҳдат, ки ҳамасола 27-уми июн таҷлил мегардад, раисиҷумҳур ҳадди ақал се бор созмонҳои ҷамъиятӣ, расонаҳо ва аҳзоби сиёсиро ба эҳтиёткорӣ ва дурандешии сиёсӣ даъват намуд. Раисиҷумҳури Тоҷикистон бо зикри аҳамияти сулҳу ваҳдат дар кишвар таъкид намуд, ки “аҳзоби сиёсии кишвар, созмонҳои ҷамъиятӣ ва воситаҳои ахбори оммаро зарур аст, ки ҳангоми арзёбӣ ва инъикоси масъалаҳои сиёсиву иҷтимоии ҷомеа ба хотири ҳимояи истиқлолияти давлатӣ, манфиатҳои миллӣ, ҳифзи амният ва суботи сиёсиву оромии ҷомеа ва таҳкими ваҳдати миллии тоҷикон хеле эҳтиёткору бомулоҳиза бошанд.”

Эмомалӣ Раҳмон нобасомониҳои солҳои охири асри гузаштаро ёдоварӣ кард, ки байни мардуми мо амали нангин ва хатарбори бадбиниву таҳдид ва душманҷӯиву сангаргирӣ доман паҳн намуд, ки оқибат боиси сар задани ҷанги шаҳрвандӣ гардид: “Он замон ҷинояткориву зӯроварӣ ва қонуншиканӣ ба як рафтори муқаррарӣ табдил ёфта буд. Дар он рӯзҳои сахту сангин яқин буд, ки идомаи ҷанги шаҳрвандӣ метавонад боиси пароканда шудани миллати тоҷик ва барҳам хӯрдани давлати ҷавони тоҷикон гардад.”

Дар ҳамин шароит раисиҷумҳур афзуд, ки давоми 4 сол бо ҷониби дигари музокирот эҳтироми тарафайну таҳаммулпазириро зоҳир намуда, ба сулҳу ваҳдат расиданд ва бори дигар соҳибфарҳангии мардуми тоҷикро ба ҷаҳониён нишон доданд: “Бо кӯшишу талошҳои пайгиронаи ҳукумати мамлакат ва албатта, бо пуштибонии халқи азизи Тоҷикистон ҳуҷҷати таърихӣ - Созишномаи умумии истиқрори сулҳ ва ризоияти миллӣ ба имзо расида, ваҳдату ҳамдигарфаҳмии миллиро ҳамчун омили асосии наҷоти миллат ва давлат эълон намуд.”

Дар ниҳоят Эмомалӣ Раҳмон ҳамаро ба пос доштани Ваҳдат даъват намуда, аз созмону аҳзоб ва расонаҳо хост, созандагиро дар меҳвари фаъолияти худ қарор дода, ба таҳкими давлатдорию сулҳу оромӣ равона созанд.

Мӯҳр

Хабарҳои монанд:

Воиз

<Воизон чун чилва дар мехробу минбар мекунанд...>

Ҷавоб диҳед Иқтибос Шикоят

tuty

Rahmon guft ki man yak barodar doram va un ham traktorist hast, lekin imruz imruz Rahmon bo ahlu oilaash Tojikistona baini xud taqsim kardand...

Ҷавоб диҳед Иқтибос Шикоят

олим

Мардум аз хамин суханхо ки тутивор такрор мекуни безор шудаанд. Мухтарам Рахмон ба ту як маслихати дустона. Як маротиба ба суханронихои Путин ахамият бидех ва бин ки кутохакак, оммафахм ва пур аз маъни мебошанд. Дигар ин ки аз руи вичдон коил шав ки дар ба даст овардани сулх сахми Борс Елтсин 99 фоизро ташкл медихаду ту аз худат кахрамон тарошида гаштаи.

Ҷавоб диҳед Иқтибос Шикоят

Товба

Тавбафармоён чаро худ тавба камтар мекунанд

Ҷавоб диҳед Иқтибос Шикоят

Кали зирак

Озодагони расвоандеш дар хамин матлаби мусби низ ифодахои манфиро истифода мебарад: "Эмомалӣ Раҳмон нобасомониҳои солҳои охири асри гузаштаро ёдоварӣ кард, ки..." Ин асри гузаштае, ки ту бо тамасхур менависи дируз дар пеши чашми тифлии ман тамоми авлодамро огуштаи марг намуд. Инак ман нав 20-сола шудам. Асри гузашта будаст боз, шарм дорене...

Ҷавоб диҳед Иқтибос Шикоят

точик

Дар солхои 90 чанг сар шуд неки зулми макомот ба и дарача нарасида бд. Да у соло млеса тарбузфуруша латукуб намекад, косаву табаки занакой савдогари бечорара футбол намекард, да тафтишоои млеса одамо хдшона ай 2 юму сеюм этаж намепартофтан.
Да у замон хам кайф када як гурух мегаштан ай шири мург да хонашон ёфт мешид, неки як гурух гадо шида рафтан.
Рахи мардма пулаки накада бдан, пости гаида чугихо 1 суми чамъ намекардан, нархи света да осмон набардошта бдан.

Ҷавоб диҳед Иқтибос Шикоят

tuty

Паёми табрикотии Эмомалӣ Раҳмон: ВАО, созмонҳо ва аҳзоб эҳтиёткор бошед! vagarna shumoro ham zindoni mekunam!

Ҷавоб диҳед Иқтибос Шикоят

Эзоҳ илова кунед