Бахшҳо

Салимзода гуфт, онҳо фоҳишаҳоро аз дигар беморон ҷудо намекунанд

Нусратулло Салимзода, вазири тандурустӣ ва ҳифзи иҷтимоии аҳолии Тоҷикистон, дар ҷараёни нишасти хабарии рӯзи чоршанбеяш ба суолҳо дар бораи афзоиши саффи танфурӯшони бемор, ки аз сӯи маъмурони пулис боздошт шудаанд, "посух" дод. Ӯ гуфт, “нисбат ба нафароне, ки аз ҷониби Вазорати умури дохилӣ дастгир шуданду ҳамчун фоҳиша муаррифӣ гардиданд, ягон чиз гуфта наметавонам, чун онҳо муассисаи тиббии худро доранд. Онҳоро дар ҳамон ҷо ташхис кардаанд.”

Ин дар ҳолест, ки Вазорати умури дохилии Тоҷикистон дар оғози моҳи июни соли ҷорӣ гуфт, тайи се рӯзи рейд алайҳи ҷиноятҳои ахлоқӣ 505 фоҳиша боздошт ва аз ташхиси тиббӣ гузаронда шудаанд. Ба иттилои манбаъ, дар натиҷа муайян гардидааст, ки аз ин теъдод танфурӯшони боздоштшуда 450 нафари онҳо мубталои касалиҳои сирояткунанда будаанд.

Вале вазири тандурустии Тоҷикистон мегӯяд, аз миёни нафароне, ки ба бемористонҳо муроҷиат мекунанд, муайян карда намешавад, ки чанд нафарашон фоҳишаанду чанд нафари дигарашон гирифтори кадом беморӣ. “Онҳо барои мо мисли дигар шаҳрвандон ҳастанд. Ҳарчанд медонем, ки онҳо гурӯҳи осебпазиранд, аммо ягон нафари онҳоро наметавонем маҷбур барои ташхис барем. Фоҳишаҳо низ мисли дигар шаҳрвандон омада муроҷиат мекунанд ва аз ҷониби табибон агар беморие муайян шавад, табобат мегиранд”,-гуфт Нусратулло Салимзода

Дар идома масъулони Вазорати тандурустии Тоҷикистон гуфтанд, дар кишвар бештар онҳое аз фарзанд рӯй мегардонанд, ки бе шавҳар таваллуд мекунанд. Ин нуқтаро Шералӣ Раҳматулло, сардори раёсати ташкили хизматрасониҳои тиббӣ ба модарону кӯдакони Вазорати тандурустӣ қайд карда, афзуд, теъдоди модароне, ки аз кӯдакони худ даст мекашанд дар ҷумҳурӣ майли камшавӣ дорад: “Одатан онҳо дар хонаи кӯдакон дер намемонанд ва аз ҷониби оилаҳои дигар дар муддати кӯтоҳ ба фарзандхонӣ қабул мешаванд. Аз аввали сол инҷониб ҳамагӣ 27 нафар ба хонаи кӯдакони шумораи 1 ва 2–и шаҳри Душанбе дохил шудаанд. Дар ҳоле, ки соли гузашта ин теъдод 43 нафарро ташкил медод”.

Шералӣ Раҳматулло бо такя ба таҳлилҳои кардаашон афзуд, одатан занҳое аз фарзандонашон даст мекашанд, ки шавҳар надоранд: “Кӯдакони маъюб аз ҷониби волидайн нисбатан кам партофта мешаванд. Чунин ҳолатҳо дар як сол ҳамагӣ 3-4 нафарро ташкил медиҳанд.”
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Декабр 2022    »
ДушСешЧорПанҶумШанЯкш
 1234
567891011
12131415161718
19202122232425
262728293031 
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)