10 июл 2014 11:18Тоҷикистон / Иқтисодӣ

Тағоймуродов дар бораи нархи об, садамаи писараш ва қарзи ТАЛКО

Алимурод Тағоймуродов, роҳбари кулли “Хоҷагии манзилию коммуналии Тоҷикистон” (ЖКХ) мегӯяд, ояндаи наздик нархи об дар кишвар боло хоҳад рафт.

Раиси “Хоҷагии манзилию коммуналии Тоҷикистон”, ки ба истиснои Душанбе хизматрасонӣ дар дигар навоҳии Тоҷикистонро ба уҳда дорад, таъруфа (тариф, тарофа)-ҳои ҳозираи обро зиёновар донист. Ӯ хизматрасонии оби ошомиданиро дар навоҳии кишвар мисол овард, ки арзиши аслии он 2,2 сомониро ташкил медиҳад: “Аммо мо аз шаҳрвандон дар навоҳии Тоҷикистон ҳамагӣ 80 дирам ҳаққи обро мегирем, ки бар зарар аст. Ин нархҳо бояд ҳадди ақал ба арзиши аслии хизматрасонӣ баробар карда шаванд.”

Тағоймуродов дар қатори қарздорҳои калон аз об корхонаи алюминиюми тоҷик - ТАЛКО-ро ном бурд. Дар маҷмуъ, Тағоймуродов таъкид намуд, ки барои таъмини пурраи мардуми Тоҷикистон бо оби ошомидании тоза 1 миллиарду 700 миллион доллар зарур аст ва барои амалӣ намудани ин кор ҳудуди 80 сол лозим меояд.

Раиси корхонаи “Хоҷагии манзилию коммуналии Тоҷикистон” дар мавриди садама бо иштироки писараш, ки шоми 23 ноябри соли 2013 иттифоқ уфтода, ду кушта барҷой гузошт, изҳор дошт, ҳанӯз таҳқиқоти ин қазия анҷом наёфтааст. Ӯ бори дигар таъкид намуд, писарашро дар он садама гунаҳкор намеҳисобад: “Боқӣ тафтишот ва додгоҳ муайян хоҳанд кард, кӣ гунаҳкор аст.”

Қаблан Бозрасии давлатии автомобилии Тоҷикистон хабар дода буд, ки дар шоҳроҳи Душанбе-Кӯлоб ронандаи “Тойота Ландкрузер”, Бахтиёр Тағоймуродов, ки писари Алимурод Тағоймуродов, собиқ раиси ноҳияи Восеъ, муовини раиси Хатлон ва айни ҳол мудири кулли корхонаи «Хоҷагии манзилию коммуналӣ» мебошад, аз уҳдаи идораи мошин набаромада, ба мошини тамғаи "Мерседес-Бенз", таҳти идораи ронанда Максим Зохови 27-сола бархӯрдааст.

Ба иттилои БДА, дар пайи ин бархӯрд, Мерседес ба самти муқобили ҳаракати роҳ баромада, бо «Опел Астра» бармехӯрад, ки дар натиҷа ду мусофири мошини "Опел Астра" ба ҳалокат мерасанд.

Мӯҳр

Хабарҳои монанд:

ман

Озодагон, чаро он икдоми хубе, ки доштед оид ба пурсиши дороихои мансабдоронро идома намедихед. Хело икдоми хуб аст, мардум мефахмад, ки рохбарони "камбизоат"-и мо чигуна зиндагонии "факирона" доранд. Илтимос идома дихед,,,,,

Ҷавоб диҳед Иқтибос Шикоят

шахрванд

Мухтарам Тагоймуродов шумо мугуед ки мо аз шахрвандон 080 дирам мегирем шояд лекин коргарони шумо масалан махалаи 82 ум микрорайон 2 с 50 дирам мегиранд мо квитанция дорем боз бади соати 6 бегох омада таъбамонро хира карда мебураванд афсус шумо аз кори инхо дарак надоштаед кани коркунони фасод ки лачоми унора кашаду пули зиедати гирифтаашонро ба фоидаи давлат бар гардонад

Ҷавоб диҳед Иқтибос Шикоят

шох

Якум,ки дар ин садама ду кас не се кас фавтидааст ва гунахгори асосии ин садама писари Шумо хаст мухтарам ТАгаймуродов аз ХУдо битарсед барои курсию мансаб шуда охиратонро насузонед,дуруг нагуед, дар тори сарамон Худо хаст, мохи шарифи рамазон аст...як нафари аз ин бачахо се руз пеш оиладор шуда будааст ва падару модараш худи хамон руз ба воситаи телефон гуфтаанд,ки ту навхонадор шудаи мо рохи туро дар рохи калони мошингард нигох мекунем,ки ба хона туро назди арусат бирасонем то ки тарсида намони... ба чои писари нозанинашонро пешвоз гирифтан онхо падару модари бечорае,ки як умр дар хаки у месузанд тани бечони уро пешвоз гирифтаанд... боз ТАгаймуродов мегуяд, ки писараш гунох надорад... озодагон хакикат бошад чоп мекунед. ,?????

Ҷавоб диҳед Иқтибос Шикоят

ахмад

Дар махаллаи 101 сари хар одам барои об 3.50 мегиранд.

Ҷавоб диҳед Иқтибос Шикоят

ыв

Аз кадом кавм бошанд ин тагаймуродовхо

Ҷавоб диҳед Иқтибос Шикоят

Эзоҳ илова кунед