11 июл 2014 11:54Тоҷикистон / Иҷтимоӣ

Таҷлили 57-умин солгарди имоматии Оқохони IV дар Тоҷикистон

Имрӯз, 11-уми июл пайравони исмоилияи Тоҷикистон, ки теъдодашон беш аз 200 ҳазор арзёбӣ мешавад, 57-умин солгарди ба тахти имомат нишастани имоми 49-уминашон- Шоҳ Карим ал-Ҳусайнӣ, Оқохони IV-ро таҷлил мекунанд.

Исмоилиёни Тоҷикистон, ки аксарашон дар Бадахшон иқомат доранд, изҳор медоранд, ки ин санаро чун тамоми исмоилиёни ҷаҳон ба таври густардаву барномаҳои мухталифи фарҳангию маърифатӣ ҷашн мегиранд.

Оқохони IV имоми 49-умини исмоилиён, ки шаҷараашон аз нахустин имом, Ҳазрати Алӣ оғоз мешавад, рӯзи 11-уми июли соли 1957, дар синни 20-солагӣ баъди бобояш Султон Муҳаммадшоҳ пешвои рӯҳонии исмоилиёни ҷаҳон шуд.

Шоҳ Карим ал-Ҳусайнӣ 13 декабри соли 1936 дар Женеваи Швейтсария таваллуд шуда, дорои дипломи таърихи Ислом аз Донишгоҳи Ҳарвард аст. Ӯ бунёдгузор ва сарвари «Шабакаи Рушди Оқохон» (AKDN) мебошад, ки аз аввали солҳои 90-уми асри гузашта дар соҳоти гуногуни Тоҷикистон фаъолият дорад.

Мӯҳр

Хабарҳои монанд:

Душанбе

Тахти зарринат муборак бошад

Ҷавоб диҳед Иқтибос Шикоят

Расул

Ана Огохон 57 сол шуд дар сари тахт нишастааст. Рахмон хамаги 22 сол нишастааст, лекин мо точикон уро ба худкомаги муттахам мекунем.

Ҷавоб диҳед Иқтибос Шикоят

лоик

Бародари азиз тахти ин волохазрат давогарнадорад ва он интихоби нест ва моли авлодиаш.Аммо Точикистон барои миллати точик ва курсии он аз падари ягон кас нест ва моли халк аст.Президент интихобшаванда аст ва насиби шахси лаекатманд дар муддати муаяни аз руи сарконун мебошад на аз як шахс.

Ҷавоб диҳед Иқтибос Шикоят

minojon

MUBORAK BOSHAD

Ҷавоб диҳед Иқтибос Шикоят

demotivator

"Оқохони IV" не, дурустараш "Оғохони IV" fellow