11 июл 2014 15:42Фаластин / Хабарҳои ҷаҳон
Ҳамлаи Исроил ба Ғазза ва 100 куштаву 670 нафари маҷруҳ
Ба иттилои Шабакаи телевизионии “ал-Ҷазира”, 98 нафар аз сокинони Ғазза кушта шуда, беш аз 670 нафари дигар ҷароҳати вазнин бардоштаанд. Манбаъ мегӯяд, теъдоди зиёди қурбониёнро пиронсолон ва кӯдакон ташкил медиҳад.
Бо ин ҳол, ҳамлаҳои ҳавоии ҳарбии Исроил ба ин минтақаи анклавии Фаластин идома дошта, бештар манозили зисти аъзои фаъоли Ҳаракати Ҳамос мавриди ҳадаф қарор дорад. Ин шабакаи телевизионии арабзабон овардааст, нерӯҳои ҳавоии Исроил рӯзи ҷумъа - 11 июл манзили зисти Ғанном, яке аз сокинони Ғаззаро бомбаборон кардаанд. Дар натиҷа 5 узви ин хонавода ба ҳалокат расида, тақдири аъзои дигари зери хокмондаи он ҳанӯз маълум нест.
Ин ҳамлаҳои хунини Тел-Авив дар ҳоле ба ин қисмати анклавии Фаластин шуруъ гардид, ки се тан аз ҷавонони исроилӣ рӯзи 12 июни соли ҷорӣ аз сӯи афроди номаълум дар Каронаи бохтарии рӯди Урдун рабуда шуда, ҷасади онҳо баъд аз чанд рӯз пайдо гардид. Мақомоти қудратии Исроил дар ин қазия Ҳаракати Ҳамосро муттаҳам карда, садҳо тан аз фаъолони вобаста ба онро боздошт кардааст. Рӯзи 3 июли соли ҷорӣ низ як ҷавони фаластинӣ дар Каронаи бохтарӣ рабуда шуда, баъдан ҷасадашро пайдо карданд.
Дар ҳамин ҳол, ба иттилои торнамои "ал-Арабия", Маҳмуд Аббос, раиси Ташкилоти худгардони фаластинӣ рӯзи 11 июл гуфтааст, интизор меравад, амалиётҳои низомии артиши Исроил ба навори Ғазза то чанд соати дигар оғоз шавад. Ба гуфтаи ӯ, ҳукумати Исроил барои оғози ин амалиёт иҷоза додаасту неруҳои он аз сокинони назди марзии навори Ғазза хостаанд, ҳар чи зудтар манозили зисти худро тарк кунанд, ки амалиёт шуруъ хоҳад шуд.
Навори Ғазза дар канори баҳри Миёназамин дар Ховари Миёна ҷойгир буда, аз қисмати ҷанубу ғарб бо Миср ва аз тарафи шимолу шарқ бо Исроил ҳаммарз аст. Масоҳати умумии он 360 километри квадратиро ташкил дода, ҳудуди 1 миллиону 300 ҳазор нафар аҳолӣ дорад. Беш аз 99 дарсади сокинони навори Ғаззаро мусулмонон ва 1%-и онро ақаллияти масеҳиёни фаластинӣ ташкил медиҳад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
