22 июл 2014 13:42Оcиёи Марказӣ / Тоҷикистон

Усмон Қаландаров: “Муносибат бо Узбакистон гармтар шудааст”

Усмон Қаландаров, муовини раиси корхонаи Роҳи оҳани Тоҷикистон, мегӯяд, мақомоти Узбакистон мисли гузашта мусофирони қаторҳои кишварро ҳангоми убури марзашон бисёр азият намекунанд. Ба қавли ӯ, ҳоло вазъ ба таври мусбат тағйир ёфта, барои аз ин ҳам беҳтар шудани кор онҳо бо ҷониби Узбакистон гуфтушунид доранд.

“Раҳбари ҳозираи Роҳи оҳан бо онҳо дар тамос аст. Рӯзҳои наздик роҳбарияти Роҳи оҳани Тоҷикистон бо масъулони Роҳи оҳани Узбакистон вомехӯранд. Ин мулоқот натиҷаҳои хуб медиҳад. Дар моҳҳои июн ва июл боркашонӣ зиёд шудааст. Умед дорем, муносибатҳо боз хубтар шуда, мушкилоти дигар низ ҳалли худро меёбанд”,-гуфт ӯ дар нишасти матбуотии 22 июл дар Душанбе.

Ба гуфтаи Усмон Қаландаров, пештар муносибатҳо бо Узбакистон сард буда, мақомоти ҳамсоя барояшон мушкил эҷод мекард. “Ҳоло муносибат рӯ ба гармист. Вагонҳои мо дар онҷо дигар боздошта намешаванд. Хадамоти гумруки Узбакистн борҳоро аз вагонҳо намефарорад. Ҳоло бо як сӯҳбати телефонӣ бо ҷониби Узбакистон ҳамаи мушкилро ҳал мекунем”,-афзуд ӯ.

Ба нақли муовини раиси ширкати Роҳи оҳан, дар шаш моҳи соли ҷорӣ берун овардани мусофирони қаторҳои Тоҷикистон дар қаламрави Узбакистон ба баҳонаи доштани адабиёти динӣ тақрибан ба назар намерасад. “Аз сабаби он ки ба мусофирон корҳои фаҳмондадиҳӣ гузаронида мешавад”,-гуфт ӯ.
Вай афзуд, дар вохӯрии қарибулвуқӯи корманди Роҳи оҳани Тоҷикистон бо ҳамтоёни узбакашон хоҳанд хост, то ба кормандони сохторҳои қудратӣ фаҳмонанд, ки сахтгириҳоро нисбат ба шаҳрвандони Тоҷикистон кам кунанд.

Мӯҳр

Хабарҳои монанд:

demokrat

Виза-ро аз байн мебурданд боз хуб мешуд.

Ҷавоб диҳед Иқтибос Шикоят

Рохбалад

Бовар кунед дар тереторияи узбак нафаскашиат намемонанд,хам погранаш,хам таможниаш ин издеваться хои ки дар границаашон мекунанд ба ягон конунхои чахони рост намебиёд,чихели хоханд мекунанд дар пеши ман вагонхои нави моро кандаанд,шикастанд бечораи проводник гапаш намегузарад дар ягон макомотхои узбак,аз узбако гапзани мебиниву рафтор бовар кунед мо танхо дар россия не дар хамсояхои хдмон кадр надорем,кучост он хукуматдорони мо ки забон ёбанд тарики дипломатхояш....

Ҷавоб диҳед Иқтибос Шикоят

донишчу

тарзи суханрони ба кудаки синфи 4-5 баробар аст, ягон чумлаи ободу пурра талафуз накард. Вой бар холи ин хукумату ин давлат дар сари мансаб хама чаласавод, зердастонаш нисбат ба У зебову равон сухан мекарданд. Маълум, ки дониши лозимии сохави надорад....

Ҷавоб диҳед Иқтибос Шикоят

Зафар.

Раиси мухтарам "муносибат гарм шудаст" гуфта хавои рузхо охирро дар назар дорад, вале муносибат холо хам сард аст.

Ҷавоб диҳед Иқтибос Шикоят

Эзоҳ илова кунед