22 июл 2014 18:34Тоҷикистон / Иқтисодӣ

'Экспресс' пулро мегирад, вале чаро чек намедиҳад?

Бархе аз сокинони шаҳри Душанбе аз он шикоят доранд, ки низоми пардохти фаврии пули барқ – ExpressPay ба ҷои осон кардани кори онҳо мушкилашонро дучанд намудааст. Ба гуфтаи онҳо, набудани чек дар банкоматҳо боиси баҳсҳои зиёди муштариён бо нозирони ширкати “Барқи тоҷик” мегардад.

Ином Сафаров, як сокини ноҳияи Синои пойтахт, мегӯяд, худи ӯ баъд аз таблиғу ташвиқ шудани низоми фаврии пардохти пули барқ тавассути банкомат маблағи барқи истифода кардаашро супоридааст, аммо дар иваз натавонистааст, чекро дастрас кунад. Ӯ мегӯяд, “тӯли чанд моҳ аст, ширкати Барқи тоҷик ин низомро таблиғ дорад, албатта, иқдоми хуб асту навбат тақрибан барои пулсупорӣ дида намешавад, аммо ин банкоматҳо чек намедиҳанд. Баъд чӣ тавр нозирони ширкатро мутақоид месозем, ки маблағи барқро супоридаем? Дар ҳоле, ки ба гуфтаи ӯ, нозирони ширкати “Барқи тоҷик” пешниҳоди чекро ҳатмӣ медонанду бидуни он бовар нахоҳанд кард”.

Ба хотири муайян кардани асли қазия мо ба беш аз даҳ банкомати дар нуқтаҳои гуногуни шаҳри Душанбе ҷойгиршуда муроҷиат кардем. Дар назди мағозаи “Сафар”, рӯбарӯи Сирки давлатӣ дуто ингуна банкомат ҳаст, ки дар менюи онҳо ҳамагӣ чанд моҳи қабл навиштае илова шудааст, “Қабули пардохти барқ new фаврӣ”. Тавре мушоҳида шуд, воқеан, ин банкоматҳо аз ироаи чек “сарпечӣ” мекардаанд. Баъзан ҳолатҳое низ рух медиҳад, ки маблағи пардохтнамудаи Шумо барҳадар мераванд. Яъне, ин маблағ ба макони лозимӣ интиқол намеёбад.

Барои равшанӣ андохтан ба ин масъала мо бо рақамҳое, ки дар банкомат навишта шуда буданд, тамос гирифтем. Тавре маълум гашт, ин банкоматҳо ба терминалҳои ЭкспрессПей ва ба ташкилоти қарздиҳии хурд “Авфар” тааллуқ доранд, ки дафтари он дар кӯчаи Сирдарё 5-и шаҳри Хуҷанд мустақар аст.

Дилшод Ниёзов, раҳбари ташкилоти қарзидхии хурд “Авфар” мегӯяд, роҳандозии низоми пардохти фаврии пули барқ бо ташаббуси яке аз мутахассисони ин ташкилот роҳандозӣ шудааст. Ӯ гуфт, “Амонулло Саъдулоев, раҳбари раёсати фурӯши барқи ширкати Барқи тоҷик ахиран изҳор дошт, ки роҳандозии ин низом мизони ҷамъоварии маблағи нерӯи барқро афзоиш додааст.” Аммо оқои Ниёзов дар посух ба суоли камбудҳои банкоматҳо, аз ҷумла набудани чек дар онҳо аз додани шарҳу тафсилот худдорӣ кард.

Дар ҳамин ҳол, ба Кумитаи андози Тоҷикистон дар бораи гирифтани маълумот оид ба тафтиш шудани фаъолияти терминалҳои пардохти фаврӣ аз сӯи ин ниҳод, ки дар эълонҳои худ сокинонро барои гирифтани чек ҳангоми пардохти ҳаққи хидматрасониҳо даъват мекунад, муроҷиат кардем, аммо мутаассифона талоши чандрӯзаи мо бенатиҷа буд. Ҳарчанд масъулини он ваъда дода буданд, давоми ҳамагӣ чанд соат посух хоҳанд дод.

Шояд роҳандозии низоми пардохти фаврӣ боиси коҳиш ёфтани амалҳои тақаллубкорӣ ва коррупсионӣ дар соҳаи энергетика шавад, аммо ин ки ин иқдом то куҷо шаҳрвандон ва давлатро аз фиреб ҳимоя мекунанд, суоли матраҳ аст. Ё шояд ин боз як роҳи пулро ғайриқонунӣ нақд кардан, роҳи фиреби на танҳо шаҳрвандон, балки давлат аст?

Акмал МАННОНОВ,
барои “Озодагон”

Мӯҳр

Хабарҳои монанд:

фара

бизнесменои мо эконом мекунанд дар чое ки набояд кунанд - ва сарф мекунанд дар чое ки метонанд эконом кунанд

Ҷавоб диҳед Иқтибос Шикоят

Мавлон

Сабаби надодани чек ин бахилии ин ширкат ва е ононе ки сохиби ин терминалхо мебошанд. Вакте ки ба онхо занг мезани онхо ваъда медиханду аммо намекунанд. Умуман овози духтаре ки телефонро мебардорад ва бо лахчаи хучанди гуфтугу мекунад хандаовар ва дилгиркунандааст. Наход дигар одам ефт нашуда бошад? наход когаз набошад барои чоп кардани як чеки хурдакак? ягар набошад пас принтератонро иваз кунед ки дар худи квитансия барки точик чоп кунем.

Ҷавоб диҳед Иқтибос Шикоят

Абдулло

Ин Кумитаи андоз гайр аз мухобот дигар хеч коре карда наметавонад!!! Шояд аз рохбари ин бонкаматхо пули зиёд гирифтаанд, ки чизе гуфта наметавонанд. Дар холе, ки одитарин магозаро тарики ТВТ нишон медихад чарима мекнанд барои чек надодан ба муштариён...

Ҷавоб диҳед Иқтибос Шикоят

истикоматкунанда

Рост мегуед ман хам пул супоридам лекин то хол аз байн як мох гузаштааст ки маблаги пардохт намудаи ман нагузаштаат ва вакте ки ба callcentre Экспресс Пей занг задам гуфтанд ки як хафта интизор шавед агар нагузарад боз ба тамос бароед дар асл алакай як мох гузаштааст ва ман бояд боз як хафтаи дигар интизор кашам....дар ин лахза бошад кормандони барки точик омада манро чанг карда мераванд на чек дори на маблаги пардохт намудаад нагузаштааст.

Ҷавоб диҳед Иқтибос Шикоят

Саади

Мухарри сайт бояд тафтиш кунад, ки шарххои меоварда на бояд махалчиги, миллатпарастиро пахн кунад. Масалан Мавлон менависад: … «Вакте ки ба онхо занг мезани … Умуман овози духтаре ки телефонро мебардорад ва бо лахчаи хучанди гуфтугу мекунад хандаовар ва дилгиркунандааст». Оё Мавлон медонад, ки ин барномаи гурухи точикон аз Экспресс навишта бехтарин дар осиёи миёна мебошад. Бо таклифи чаноби оли мутахасисони аз Белоруссия омада ба хайрон монданд, ки дар онхо ин хел система вучуд надорад. Системаи точикон навишта инзамона мебошад ва дар он хама пешравихое ки хаст дар сохаи барномасози истифода бурда шудааст.

Ҷавоб диҳед Иқтибос Шикоят

Абдукаххор

Мухтарам Модератори сайти «Озодагон»
Мухарри сайт бояд тафтиш кунад, ки шарххои меоварда на бояд махалчиги, миллатпарастиро пахн кунад. Масалан Мавлон менависад: … «Вакте ки ба онхо занг мезани … Умуман овози духтаре ки телефонро мебардорад ва бо лахчаи хучанди гуфтугу мекунад хандаовар ва дилгиркунандааст».
Оё Мавлон медонад, ки ин барномаи гурухи точикистонихо аз Экспресс навишта бехтарин дар осиёи миёна мебошад. Бо таклифи чаноби оли мутахасисони аз Белоруссия омада ба хайрон монданд, ки дар хисоби барки онхо ин хел система вучуд надорад. Мавлон ин шахси шуурнокиаш паст, сиесатро намефахмидаги шахс. Вакте ки шумо чоп мекунед, ба он шахс баробар мешавед, хамту не?

Ҷавоб диҳед Иқтибос Шикоят

Эзоҳ илова кунед