Дар Тоҷикистон аз ин пас санаи 4 сентябр рӯзи китоб таҷлил мегардад.
Дар китобхонаи миллии ба номи Абулқосим Фирдавсӣ доир ба ин рӯз, зери унвони «Китоб -шиносномаи миллат» маҳфили илмию адабӣ сурат мепазирад, ки дар он аҳли илму фарҳанг ширкат мекунанд. Дар ин бора ба хабаргузории «Озодагон» аз китобхонаи мазкур хабар доданд. Дар маҳфил доир ба нақш ва мақоми китоб дар тасвиру тарғиби дастовардҳои истиқлолияти ҷумҳури нашру ба табърасонӣ ва мутолиаи китоб дар даврони истиқлолияти давлатӣ маърӯзаҳо хонда мешавад. Ҳамчунин, дар доираи баргузории маҳфили илмию адабӣ таҳти унвони «Сабақи китоб» барномаи театрикунонидашуда намоиш дода хоҳад шуд. Гуфта мешавад, ки тибқи ворид намудани тағйиру иловаҳо ба Қонуни ҶТ «Дар бораи рӯзҳои ид», ки аз сӯи палатаи поёнии парлумони мамлакат қабул гардида буд, ҳамасола дар кишвар 4 сентябр ҳамчун рӯзи китоб таҷлил мегардад,-афзуд манбаъ.{jathumbnail off}
Мӯҳр