25 июл 2014 16:50Тоҷикистон / Фаластин

Қарзовӣ дар бораи имоматии Мурсӣ ва обрӯмандии мусулмонон аз ҳисоби фаластиниҳо

Юсуф Қарзовӣ, раиси Иттиҳоди уламои исломии ҷаҳон аз муборизаи сокинони Фаластин алайҳи ҳамлаҳои низомии Исроил истиқбол карда, гуфтааст, онҳо бори дигар обрӯ ва мақоми мардуми мусулмонро дар ҷаҳон боло бардоштанд.

Қарзовӣ дар саҳифаи шахсияш дар Твиттер навиштааст, “мавқеъгирии мардуми азиятдидаи Фаластин нисбат ба ҳамлаҳои хунини Исроил обрӯ ва мақоми мусулмононро дар ҷаҳон боло бурд, чун онҳо бо ин ҳама шарту шароити худ бо як режими бузург дар муборизаанд.”

Ин суханони раиси Иттиҳоди уламои исломии ҷаҳон дар ҳолест, ки тӯли 18 рӯз мешавад, ҳамлаҳои низомии Исроил ба навори Ғаззаи Фаластин идома дорад. Дар пайи ин ҳамлаҳо ба манотиқи аҳолинишини Ғазза 820 нафар фаластинӣ кушта шуда, беш аз 4 ҳазору 500 нафар захм бардоштаанд. Бояд гуфт, мақомоти фаластинӣ аксари қурбониёни худро пиронсолон ва занону кудакон мегӯянд, ки бар асари бомбаборон шудани манозили зисташон аз сӯи неруҳои Исроил ҷон додаанд.

Юсуф Қарзовӣ дар як суҳбати худ бо шабакаи телевизионии “ал-Ҷазира” аз вазъи ахири ҷаҳони Ислом нигаронӣ карда, бо таассуф гуфтааст, агар Муҳаммад Мурсӣ, раисиҷумҳури барканоршуда ва зиндонии Миср сари қудрат мебуд, ҳатман вазъ тағйир меёфт.

Ӯ дар шарҳи гуфтаҳояш илова кардааст, “Мурсӣ аз раҳбарони дигари Миср ба куллӣ фарқ мекард. Нахустин раисиҷумҳури ин кишвар буд, ки унвони олии илмӣ дошта, ҳамзамон ҳофизи Қуръон аст. Ҳар ҳафта рӯзҳои душанбе ва панҷшанбе рӯза мегирифту дар Кохи раёсати ҷумҳури Миср бо имоматии худ намози ҷамоат баргузор мекард. Ин хусусиятҳое буданд, ки Мурсӣ бо онҳо аз дигар раҳбарони кунунии кишварҳои исломии араб фарқ мекард. Агар сари қудрат боқӣ мемонд, вазъи ҷаҳони Ислом ва мусулмонон ҳатман тағйир меёфт.”

Ӯ дар идома раҳбарони феълии Арабистони Саудиро зери танқид қарор дода, изҳор доштааст, “ҳокимон саудӣ ҷои дӯсту душманро тағйир додаанд, онҳо душманро дӯст интихоб мекунанду дӯстро душман ва барои мисол кишварҳои араб-ҳамзабону ҳамдини худро қабул надоранду бо Исроил робитаи наздик ба роҳ мондаанд.”

Муҳаммад Мурсӣ, ки баъд аз ҳукумати 32-солаи Ҳуснӣ Муборак дар пайи интихоботи мардумӣ ба курсии раёсати ҷумҳури ин кишвар нишаста буд, аз мақомаш бо дастури артиши ин кишвар барканор шудааст. Мақомоти қудратии Миср баъд аз барканор кардани Мурсӣ ӯро боздошт ва ба зиндон фиристодаанд.

Мӯҳр

Хабарҳои монанд:

СИ СИ

Табаддулотхои харби дар хамаи давлатхои Исломи аз тарафи ГЕНЕРАЛХОИ амали карда мешавад, ки дастпарварони Академияи Амрико ва ё Англия хастанд, ки дар ончо Устодони барномахои таълимиашон Яхудтаборон астанд. Чи хел дигар сухани УСТОДА- ПИРТА дар замин мегузори.

Ҷавоб диҳед Иқтибос Шикоят

Тарафдор

Бале Юсуф Карзаови дуруст мегуяд,Мурси сари кудрат мебуд ба ин режими хунхор нишон медод. Дигар рохбарони Араб лухтаки ин режиманд.

Ҷавоб диҳед Иқтибос Шикоят

Эзоҳ илова кунед