Тағйироти кадрӣ дар ҷаласаи ҳукумат ва баҳси партовгоҳҳои уран
Дар маҷлиси навбатии ҳукумати Тоҷикистон, ки таҳти раёсати Эмомалӣ Раҳмон, раисиҷумҳур ва раиси ҳукумат баргузор гардид, нахуст масъалаи кадрҳо баррасӣ шудааст. Тавре дафтари матбуотии президент хабар медиҳад, дар ҷараёни он аъзои нави ҳайати мушовараи Вазорати меҳнат, муҳоҷират ва шуғли аҳолӣ, Вазорати тандурустӣ ва ҳифзи иҷтимоии аҳолӣ, Вазорати саноат ва технологияҳои нав, Вазорати фарҳанг, Кумитаи давлатии сармоягузорӣ ва идораи амволи давлатӣ ва Агентии беҳдошти замин ва обёрӣ тасдиқ гардид.
Маҳмад Сафаров аз вазифаи директори Муассисаи давлатии обуҳавошиносии Кумитаи ҳифзи муҳити зисти назди ҳукумат озод шуда, курсии ӯро ба ихтиёри Ҳомид Расулов гузоштаанд. Раҷаб Саодатов аз вазифаи муовини директори Агентии таъмини амволи махсус озод ва муовини аввали роҳбари ҳамин агентӣ таъин гардид. Ибодулло Зардов муовини директори Агентии таъмини амволи махсус ва Раҳмон Умаров директори Корхонаи воҳиди давлатии “Бақайдгирии молу мулки ғайриманқул”-и Кумитаи давлатии идораи замин ва геодезӣ таъин шудаанд.
Дар маҷлиси ҳукумат ҳамчунин лоиҳаи қонун “Дар бораи хизмати дипломатӣ” ва тағйиру иловаҳо ба қонун “Дар бораи ҷавонон ва сиёсати давлатии ҷавонон” маъқул дониста шуда, ба баррасии Маҷлиси намояндагони Маҷлиси Олии Тоҷикистон пешниҳод шудааст. “Ба баррасии палатаи поёнии Маҷлиси Олӣ ҳамчунин хулосаҳои ҳукумат ба лоиҳаи тағйиру иловаҳо ба қонунҳо “Дар бораи ӯҳдадории умумии ҳарбӣ ва хизмати ҳарбӣ” ва “Дар бораи реклама” пешниҳод гардид”,-менависад торнамои президент.
Барномаи рушди хоҷагии манзилию коммуналӣ дар Тоҷикистон барои давраи солҳои 2014-2018, Консепсияи миллии Ҷумҳурии Тоҷикистон оид ба солимгардонии маҳфузгоҳҳои партовҳои коркарди маъдани уран барои солҳои 2014-2024, Кадастри давлатии маҳфузгоҳҳои партовҳои радиоактивӣ, Феҳристи давлатии партовҳои радиоактивӣ, Тартиби ташкил ва гузарондани арзёбии таъсиррасонӣ ба муҳити зист ва еомгӯйи ҳудудҳои минтақаҳои кӯҳии дорои шароити хосаи табиӣ ҳам тасдиқ шудааст.
“Ба мақомоти иҷроияи ҳокимияти давлатии шаҳри Ваҳдат 60,61 га замин барои бунёди маҳаллаҳои истиқоматӣ бо биноҳои бисёрошёна ва иншооти иҷтимоӣ ва ба мақомоти иҷроияи ҳокимияти давлатии ноҳияи Мастчоҳи вилояти Суғд 330,15 га барои додани қитъаҳои наздиҳавлигӣ ба 1933 оилаи ниёзманди ин ноҳия ҷудо карда шуд”,-меафзояд манбаъ.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |