05 авг 2014 15:24Тоҷикистон / Сиёсат

Тафтиши ҳуҷҷатҳои Хайрулло -- писари Зайд Саидов аз сӯи Оҷонсӣ

Бахтиёр Юсуфов, сардори Раёсати пешгирии коррупсия дар Оҷонси мубориза бо фасоди молӣ дар Тоҷикистон, вуҷуди парванда алайҳи Хайрулло Саидов – писари бузурги Зайд Саидов, соҳибкор, вазири собиқи саноат ва раҳбари зиндонии ҳизби Тоҷикистони навро рад кард.

Ӯ гуфт, агарчӣ дар масъалаи Зайд Саидов парвандаҳои нав ҳастанду мавриди тафтиш қарор доранд, аммо нисбат ба писараш ҳанӯз айбномае вуҷуд надорад. “Агар чунин гап мешуд, хабардор мешудем. Умуман дар ин бора дар Оҷонсӣ ҳеч гап нест”,-гуфт Бахтиёр Юсуфов.

Ин дар ҳолест, ки Хайрулло Саидов мегӯяд, ҳоло мақомоти Оҷонси зидди фасоди молӣ дар Тоҷикистон ба дунболи тафтиши як камбуд дар ҳуҷҷатҳои ӯянд. Ба қавли писари Зайд Саидов, гап сари иваз шудани соли таваллуди ӯ дар шиносномааш дар нуздаҳ соли пеш меравад, ки барои таҳсилаш дар Эрон зарур шудааст. “Ҳоло мехоҳанд, ин корро ҳам бар зарари падарам анҷом диҳанд”,-изҳор дошт ӯ.

Хайрулло гуфт, соли 1995, вақте дар Маскав зиндагӣ мекарданд, ӯ чаҳордаҳсола буд ва барои гирифтани шиноснома чаҳор сол худашро бузургтар нишон додааст. “Ин барои таҳсили ман дар Эрон лозим буд. Баъд аз ду соли курсҳои омодагӣ ва ду соли таҳсил дар Донишгоҳи Фирдавсӣ, соли 2000, ба Донишгоҳи технологии Душанбе омадам. Ҳоло Оҷонсӣ ин камбудро дар санади ман пайдо кардааст”,-мегӯяд ӯ.

Хайрулло Саидов, писари бузурги Зайд Саидов, соҳибкори маъруфи зиндонист, ки 33-сола буда, ширкати “Тоҷсохтмон Байналмилал” ба ӯ тааллуқ дорад. Ин ширкат баъзе аз биноҳои истиқоматии баландошёна, аз ҷумла бинои “Душанбе-Плаза” дар маркази шаҳри Душанберо сохтааст.

Худи Зайд Саидов, ки моҳи декабри соли гузашта ба 26 соли зиндон маҳкум шуда буд, ҳоло дар боздоштгоҳи муваққати Кумитаи амнияти миллӣ нигоҳдорӣ мешавад. Мақомот ӯро дар суистфода аз мақому тақаллуб ва таҷовуз ба номус айбдор эълон карданд. Саидов рӯзи 19 майи соли 2013, баъд аз як моҳи эълони азмаш барои таъсиси Ҳизби Тоҷикистони нав, ҳангоми бозгашт аз Фаронса дар фурудгоҳи Душанбе боздошт гардид.

Мӯҳр

Хабарҳои монанд:

Рамаданский

Хайруллочон вообше Шумоба гап нест. Пул ки бошад умри инсона пешу кафо бурда мешудааст.

Ҷавоб диҳед Иқтибос Шикоят

Шавалский

Рамаданский,

барои илм омузи чи корхое ки намешудаст кард
талаби илм фарз аст

Ҷавоб диҳед Иқтибос Шикоят

Рамаданский

Чи гуфтаниед, ки такаллубкориам фарз аст.

Ҷавоб диҳед Иқтибос Шикоят

001

Ё ТОБА НА АЙБАЙ НА ШАРМ И МАРДУМДА ФОРДО ЧИ ЧАВОБ МЕДОДА БОШАН БО ЧУНИН ГУНОХХОИ АЗ КУХДАМ КАЛОН.
Касам ба Худо ТО ЗАМОНЕ КИ Зайд Саид рози нашавад ва гунохони инхоро набахшад, буйи бихиштро эхсос намекунанд дар рузи киёмат, дидану даромадан ба Бихишт теемболи.

Ҷавоб диҳед Иқтибос Шикоят

Зафар

Э бародаро монед Хайрулоро биёед аз Писари Хукумов коро сар кунем бад мардум донанд ки ки гунахгор асту ки бегунох Писари Хукумов сари 3 камбагалро хурд хеч гап не боз падараш мегуяд ки асабош вайрон шидан барои табобат ба Германия рафтааст Аз худо шарм кун мухтарам Чаноби Хукумов

Ҷавоб диҳед Иқтибос Шикоят

Эзоҳ илова кунед