07 авг 2014 17:13Оcиёи Марказӣ / Тоҷикистон

99 дарсад гуфтаанд, ки хабарҳоро аз ТВ мегиранд

Маркази тадқиқотии “Зеркало” бо баргузории як нишаст аз натиҷаи назарсанҷии дусолааш дар бораи расонаҳои электронӣ дар Тоҷикистон хабар дод.

Қаҳрамон Бақозода, раҳбари ин марказ, мегӯяд, назарсанҷии онҳо миёни 2 ҳазору 500 нафар дар манотиқи гуногуни кишвар гузаронда шуда, аз ду марҳила иборат будааст. “Марҳилаи аввал аз 15 сентябр то 25 октябри соли 2012 ва марҳилаи дуюм аз 10 июн то 15 июли соли 2013-ро дарбар мегирад”,-афзуд ӯ.

Номбурда қайд кард, дар пайи ин назарсанҷӣ маълум гардидааст, дар Тоҷикистон 99%-и аҳолӣ аз телевизионҳо ҳамчун манбаи хабарӣ истифода мекардаанд. Ба гуфтаи ӯ, дар баробари телевизион 26% пурсидашудагон гуфтаанд, аз радио ва танҳо 10% аз тариқи интернет хабардор мешудаанд.

Назарсанҷии мазкур нишон додааст, мардҳо 3 баробар зиёдтар нисбат ба занҳо аз интернет истифода мебурдаанд. Яъне, 15% мардҳо ва 5% занҳо посух додаанд, ки барои гирифтани ахбор рӯ ба интренет меоранд.

Дар шумораи умумии пурсидашудагон 61% посух додаанд, ки аз интернети хона ва 54% гуфтаанд аз телефонҳояшон истифода мебаранд. Бештар занҳо аз интернети хона ва мардҳо аз интернет-кафе, аз ҷои кор ва аз телефонҳояшон истифода мебурдаанд.

Ин пурсиш нишон додааст, ки 79,6% ба хотири истифода аз шабакаҳои иҷтимоӣ, 73,3% барои саргармӣ, 69,1% барои дӯст пайдо кардан, 66% ба хотири хабар, 27,7 барои кору фаъолияташон вориди интернет мешаванд. Маркази тадқиқотии “Зеркало” мегӯяд, пурсиш дар мавриди истифодабарандагони шабакаҳои иҷтимоӣ нишон додааст, аз ҳама зиёд, яъне 51 дарсад аз “Одноклассники” ва баъдан аз “Майл ру”, “Скайп”, “Мой мир”, “Гугл”, “Яндекс” ва дар рейтинги охирин 1,4% аз “Фейсбук” истифода мекардаанд.

Мӯҳр

Хабарҳои монанд:

кунчков

ман нафахмидам ин назарсанчиро, чихел дар як хисоб хам 79% мешудааст хам 73% хам 69% чамъи инхо чи кадар мешавад ва баъд 99% дуруги махз аст ин бечорахо худашонро фиреб мекунанд

Ҷавоб диҳед Иқтибос Шикоят

Соиб

"Зеркало" Оина дар ин маврид пушти худро ба руйи мардум медорад. Кахрамон бояд як бор худ байни кормандону пурсандахояш дар минтакахо пурсище гузаронад. Кихо пурсишномахои "Зеркало"-ро пур мекунанд. Кадом руз барномахои иттилоотиро хам дар даруни дискхои филмхои турки сабт мекунанд то мардум лоакл фаромуш накунанд ки Ахбор гуфтани барномае аст. Кахрамон бошад хотири ким чи худро хандахариш мекунад

Ҷавоб диҳед Иқтибос Шикоят

аа

Зеркало худро ба хукумат ширин кардааст. 99% ин дуруги махз аст

Ҷавоб диҳед Иқтибос Шикоят

wezir

40% ахоли ТВ тамощо намекунад - ин статистика хатост"

Ҷавоб диҳед Иқтибос Шикоят

tojik

Рости мардум дар вокеъ аз тв давлати итлоот ба даст меоранд аммо ончи ки мухим аст бовари ва чандон боварие надоранд бар ин иттлоъе ки аз тв ва радио мегиран мегуянд ки тамоми итилоът фармоиши мебошад ягона мамбаъи бовари ин интернет аст барояшон чун даричо мардум озодона харф мезананд
Аз ин лихоз хар хабаре ки аз тв ва радио ба даст меоранд мунтазир мешаванд е чустучу мекунанд ки дар интернет тайд ва е рад шавад баъдан бовар мекунанд

Ҷавоб диҳед Иқтибос Шикоят

Эзоҳ илова кунед