11 авг 2014 14:10Тоҷикистон / Сиёсат

“Ҷангҷол”-и Шӯҳрат Қудратов, ШИЗО ва раҳоӣ баъд аз 5 рӯз

Шӯҳрат Қудратов, муовини боздоштшудаи раиси Ҳизби сотсиал-демократ ва вакили Зайд Саидов – соҳибкор, вазири собиқи саноат ва раҳбари зиндонии ҳизби Тоҷикистони нав, баъд аз панҷ рӯзи дар утоқи ҷаримавӣ ё ШИЗО буданаш, дубора ба боздоштгоҳ оварда шудааст. Парвин Ализода, сухангӯи Раёсати ислоҳи ҷазои ҷиноятии Вазорати адлияи Тоҷикистон, гуфт, Қудратов баъд аз муноқиша бо нафаре, ки дар як утоқ нигоҳдорӣ мешуд, ба ШИЗО бурда шудааст.

“Аз рӯи низомномаи зиндону боздоштгоҳ, вақте ду боздоштшуда ва ё маҳкумшуда бо ҳам ҷангу муноқиша мекунанд, ҳамчун ҷазо ба утоқи ҷаримавӣ бурда мешаванд. Қудратов ҳам муноқиша кардааст ва ба ШИЗО бурда шуд. Аммо ҳоло раҳо шудааст, дар утоқи одист. Рӯзи шанбе аз он ҷо бароварда буданд”,-гуфт Ализода.

Шӯҳрат Қудратов дар оғози моҳи июли соли ҷорӣ аз сӯи маъмурони Оҷонси мубориза бо фасоди молӣ дар Тоҷикистон боздошт шуда, бо қарори Додгоҳи Фирдавсии пойтахт тӯли ду моҳ дар боздоштгоҳи муваққат мемонад. Оҷонсӣ ӯро барои пешниҳоди пора ба яке аз додрасҳои ноҳияи Исмоили Сомонии шаҳри Душанбе муттуҳам медонад ва Абдуфаттоҳи Ғоиб, раҳбари ин ниҳод дар нишасти ахири матбуотяиш гуфта буд, дар сурати таъйиди ин иттиҳом Қудратов аз 5 то 10 сол зиндонӣ хоҳад шуд.

Ин боздошти Қудратов дар ҳоле сурат гирифта, ки ӯ тайи бештар аз як соли охир аз ҳуқуқи Зайд Саидов, соҳибкор, вазири собиқи саноат ва раҳбари зиндонии ҳизби Тоҷикистони нав дар додгоҳ ҳимоят мекард. Вай ҳамагӣ як ҳафта пеш аз боздошташ бо як номаи 21-саҳифаӣ ба парлумону ҳукумат, созмонҳои байналмилалӣ ва сафоратҳои кишварҳои хорифӣ дар Тоҷикистон муроҷиат карда, парвандаҳои Зайд Саидовро беасос ва сиёсӣ хонда буд.

Ҳоло аз ҳуқуқи Шӯҳрат Қудратов Раҳматилло Зоиров – раиси Ҳизби сотсиал-демократ ва раҳбари Консорсиюми юридикӣ, инчунин, Исҳоқ Табаров, яке аз ҳамкорони ӯ ҳимоят мекунанд. Раҳматилло Зоиров мегӯяд, бештар аз як ҳафта мешавад, ки бо муфаттишони оҷонсии зидди фасоди молӣ дар масъалаи Шӯҳрат Қудратов суҳбат карда наметавонад ва намедонад, нафари таҳти ҳимояташ дар чӣ вазъе қарор дорад.

Мӯҳр

Хабарҳои монанд:

Элчи

Ин Шухрат табиатан бахсу мунокишаро дуст медоштааст дия. Наход ки ду кас дар як кулбаи гам забон наёбед. Ба хар хол, ту боз адвокати.

Ҷавоб диҳед Иқтибос Шикоят

Хукукшинос

боварии комил дорам ки Шухратро провокация кардаанд то ба ШИЗО баранд ва рухияашро шикананд ба Шухрат сабр мехохем

Ҷавоб диҳед Иқтибос Шикоят

душанбинец

и это специально подстроили, чтобы очернить Шухрата. Шухрат ччестный и добропорядочный человек .

Ҷавоб диҳед Иқтибос Шикоят

Фузайл

Элчи, сокамерникаш значить бузи макомот аст, Шухрат дарк карда чанчол кардааст. Инхо савод надоранд ва хама корашон бо воситаи бузхо.

Ҷавоб диҳед Иқтибос Шикоят

Said

Элчи,

муҳрарам Элчибой!!!!. инро фаромуш накун,ки на ҳамаи ононе,ки дар ин кулбаи ғам мебошанд ҷабрдида ҳастанд, балки мутаасифона бисёрашон БУЗ ҳастанд,ки аз нафари ҷабрдидаи дигар гап мегиранду дар боло БУЗИ мекунанд.ҷаноби Қудратов фикр мекунам инхели БУЗҲО-ро мешиносаду мумкин насиҳаташ карда бошаду вай БУЗ нафаҳмида бошаду варианти Б-ро пеш гирифта аст,ки ин ҳамин роҳи баҳсу задану задан асту ..........................

Ҷавоб диҳед Иқтибос Шикоят

гулруз

бо нафаре, ки дар як утоқ нигоҳдорӣ мешуд

оё ин НАФАР бисёр махфи аст.чаро ному насабаш нест ё одами худи бошад???

Ҷавоб диҳед Иқтибос Шикоят

Озод

Барои пешниходи пора 5-10 сол? ин чи гап аст.агар пора дода бошад 50-100сол медодаанд-дия. чаро ки буданаш маълум нест? е аз худи макомот хаст?

Ҷавоб диҳед Иқтибос Шикоят

jura

Шухрати бечора! Аз капааш буи дуд меояд.....

Ҷавоб диҳед Иқтибос Шикоят

Эзоҳ илова кунед