Иброҳим Усмонов бовар дорад, ҷанги сеюми ҷаҳонӣ наздик аст
Профессор Иброҳим Усмонов, раҳбари Бунёди “Гуфтугуи тамаддунҳо” ва мушовири пешини раиси ҷумҳури Тоҷикистон, ба ин бовар аст, ки оғози ҷанги севуми ҷаҳонӣ наздик аст. Ӯ бо нашри матлабе дар торнамои Бунёдаш гуфтааст, “оғози ҷанги Ироқ маро ба ин мутмаин месозад”.
Усмонов бо зикри мисоле аз “Шоҳнома” симои каҳрамони ҷанги ҷаҳонии сеюмро дар мисоли Ғарб мебинад. Ӯ менависад, “Шоҳнома ин таърихи ҷанги ҷаҳониест, ки оромиву осоиштагии мардумро тайи садсолаҳо барҳам задааст. Ин ҷанге буд, ки ба ҷараёни он на танҳо тоҷикҳо ва замини онҳо (Осиёи марказӣ, Афғонистон ва Эрон) балки миллатҳои дигар ҳиндуҳо, туркҳо, чиниҳо, арабҳо ва яҳудиҳо дар симои Александри Мақдунӣ ҳамроҳ карда шуданд. Махсусияти ин ҷанг дар он зоҳир мегардид, ки тамоми амалиёт дар қаламрави як давлат мегузашт, аммо дар дохил моҷарое роҳандозӣ гашт, ки ба аксари давлату миллатҳо дахл дошт.”
Дар идомаи матлаби профессори тоҷик симои аҳримани ҷангҷўй дар асри 21 Ғарб унвон шудааст. Ӯ дар ин навиштааш гуфтааст, “оташбиёри ин ҷанг Ғарб аст ва бо таҳрики сунниву шиа дар Ироқ ин минтақаро ба коми ҷанг кашид ва имрӯз дар Ироқ бо зуҳури гурӯҳи террористи ДИИШ (ДОИШ) нооромӣ ба авҷи аъло расидааст”.
Иброҳим Усмонов мегӯяд, буҳрони Ироқ амиқтар мешавад ва хатари ба се қисм тақсим шудани ин кишвар рӯз аз рӯз бештар мегардад. Инчунин, ӯ таъкид мекунад, ҷанги Фаластину Исроил, ки ба қавли профессори тоҷик, бо таҳрики “Сестемаи ғарбӣ” 60 сол боз давом дорад, заминагузори ҷанги ҷаҳонии сеюм мебошад.
Оқои Усмонов дар ин матлаб амалиёти ахир дар Ироқу Сурия ва Украинаро бидуни дудилагӣ “ҷанги ҷаҳонӣ” номида таъкид мекунад, “ин ҳама мушкили дохилии як давлат нест”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |