21 авг 2014 15:05Оcиёи Марказӣ / Тоҷикистон

Эълони 30 миллион $ мукофот барои пайдо кардани 5 пешвои Ҳаққонӣ

Иёлоти Муттаҳидаи Амрико барои муайянкунандаи макони будубоши 5 пешвои шабакаи террористии “Ҳаққонӣ” 30 миллион доллар мукофот эълон кардааст. Ин эълон рӯзи 20 августи соли ҷорӣ тавассути Вазорати умури хориҷии Амрико интишор шудааст.

Ба иттилои манбаъ, ин раҳбарони гуруҳи Ҳаққонӣ, ки аз онҳо Азиз Ҳаққонӣ, Халил Раҳмон Ҳаққонӣ, Яҳё Ҳаққонӣ ва Абдуррауф Зокир Ҳаққонӣ ном бурда шудааст, ҳамагӣ дар пайгарди қонунӣ қарор дошта, барои маълумот дар бораи макони будубоши ҳар яке аз онҳо 5 миллион долларӣ мукофот дода хоҳад шуд.

Вазорати умури хориҷии Иёлоти Муттаҳида гуфтааст, нафари панҷуми онҳо Сироҷуддин Ҳаққонӣ ном дошта, ҳар кас макони зисти ӯро пайдо кунад, соҳиби 10 миллион доллар хоҳад шуд. Ин дар ҳолест, ки ҳукумати Амрико соли 2012 барои пайдо кардани макони будубоши ӯ 5 миллион доллар мукофот эълон карда буд.

Шабакаи террористии Ҳаққонӣ, як гуруҳи мусаллаҳи мустақар дар минтақаи марзии Афғонистон бо Покистон буда, амалиёти низомиеро алайҳи нерӯҳои ҳарбии Амрико ва НАТО дар кишвари дуюмӣ анҷом медиҳанд. Раҳбарии ин шабакаро, ки бо гуруҳи Толибон иртиботи қавӣ дорад, Ҷалолиддин Ҳаққонӣ бар уҳда дорад. ИМА шабакаи Ҳаққониро як “хонаводаи ҷинояткор ва қочоқбарони марзӣ” медонад.

Мӯҳр

Хабарҳои монанд:

Биржа

Амрикора пулу паисааш зиёд будааст. Ин Хакконихо ба 1 сомони арзиш надоранд.

Ҷавоб диҳед Иқтибос Шикоят

Як бандаи Худо

Ин амрикоиҳо фақат мурданашонро намедонанду бас. Шояд онҳо бо эълони мукофотпулӣ дар ивази маълумот, месанҷанд, ки кихо дар бораи терористхои тайёркардаашон медонанд. Ку ки медонад, ки терористҳои онҳо дар куҷо пинҳонанду чи кор мекунанд. Терорист дар хоки Афғонистону Покистон ҳеҷ гоҳ ба он поя намерасад, Амрикоро ба ларза биорад. Дар чунин давлатҳои камбизоат, одам дар сатҳи қатори бо хеле монеаҳо рушд мекунад. Чи расад то ҳади терористи байналмилалӣ сабзидану мақом гирифтан.
Эҳтимоли зиёд аст, ки ин гургони дунё бо эълони мукофот мехоҳанд бифаҳманд, ки дигарон дар бораи тероризми омода намудаи онҳо чи маълумот доранд. Пас аз хуб дарк кардани вазъи тероризми паҳнкардаашон, нақшаҳои нав хоҳанд кашид. Барои онҳо мукофот дар ивази маълумот ба ҳамин шева корбурд мешаваду халос. Чи, Амрико магар наметавонад дар бораи терористҳои номбаркардааш пинҳонӣ маълумот гираду онҳоро нобуд созад? Ва содатар аз ҳама Амрико чун як кишвари мутарақӣ чи ниёзе ба маълумоти дигарон доард?

Ҷавоб диҳед Иқтибос Шикоят

Эзоҳ илова кунед