26 авг 2014 09:54Тоҷикистон / Сиёсат
Ҳалокати Нуъмонҷон ва Азамат ҳангоми тирпаронӣ дар марз бо Қирғизистон
Сокинони ноҳияи Бобоҷон Ғафуров мегӯянд, тирпаронӣ бегоҳи 25 августи соли ҷорӣ дар наздикии деҳаи марзии Овчӣ-Қалъачаи ин минтақа рух додааст. Ба қавли онҳо, марзбонони қирғиз замоне оташ кушодаанд, ки онҳо мехостанд монеи оғози сохтмони як пул шаванд.
Радиои Озодӣ менависад, ин пул аз болои рӯди Хоҷа Боқирғон мегузараду бар асоси тавофуқи гуруҳҳои кории Тоҷикистону Қирғизистон оид ба умури марзӣ ҳоло он бояд сохта намешуд. Вале сокинони ин минтақаи марзии кишвар гуфтаанд, мақомоти Қирғизистон чанд рӯзи охир мешавад, барои азсаргирии бунёди ин пул бидуни мувофиқаи ҳамтоёни тоҷики худ талош доранду ҳангоми муқобилият нишон додани онҳо марзбонони қирғиз оташ кушодаанд.
Ба қавли шоҳидони ҳодиса, дар нуқтаи аввалӣ бо фармони афсари низомии қирғиз сокинони осоиштаи ҷамъомадаи Тоҷикистон ҳадафи тири марзбонони кишвари ҳамсоя қарор гирифта, сарбозони тоҷик аз аз кушодани оташи ҷавобӣ худдорӣ кардаанд. Аммо ҷониби Қирғизистон иддао дорад, ки тирпаронӣ нахуст аз тарафи марзбонҳои тоҷик сурат гирифта, онҳо ҷавобашонро додаанд.
Ин бори аввал нест, ки сокинони осоиштаи Тоҷикистон ҳадафи тири марзбонони кишвари ҳамсоя қарор мегиранд. Рӯзи 10 июли соли ҷорӣ низ як гуруҳи сокинони Ворухи ноҳияи Исфара дар марзи Тоҷикистону Қирғизистон ҳадафи тири марзбонони ин кишвар қарор гирифта, дар пайи он Сафоуддин Шарофов, як сокини Ворух, ба ҳалокат расида, 7 тани дигар бо ҷароҳатҳои гуногун бистарӣ шуда буданд.
Тоҷикистону Қирғизистон тӯли 970 километр марзи муштарак доранд, ки аз он 567 километраш аломатгузорӣ шудаасту бас. Ин номуайянӣ боис мегардад, ки миёни сокинони наздимарзӣ мунтазам даргириҳо сурат мегиранд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | |
