26 авг 2014 12:05Тоҷикистон / Сиёсат

Боздиди Раҳмон аз қисми низомии 3502-и ВКД дар “Сементзавод”

Эмомалӣ Раҳмон, раиси ҷумҳури Тоҷикистон, субҳи 26 август ба қисми низомии 3502-и Вазорати умури дохилии кишвар рафта, бо шароити он ва хизмати афсарону сарбозон ошно шудааст.

Дафтари матбуоти раёсати ҷумҳрӣ, мегӯяд, оқои Раҳмон аз роҳбарият ва ҳайати шахсии ин қисми низомӣ даъват кардааст, барои баланд бардоштани савияи дониши касбӣ ва омодагии доимии ҳарбӣ талош намоянд, то оромию суботи ҷомеа ва ҳаёти мардуми кишвар таҳти ҳимояти боэътимод бошад.

Эмомалӣ Раҳмон Қӯшунҳои дохилии ВКД-ро як шохаи муҳими нерӯҳои мусаллаҳ гуфта, онро “сипари боэътимоди давлату миллат ва кафили амнияту суботи кишвар” номидааст. Манбаъ мегӯяд, раиси ҷумҳур аз хобгоҳи сарбозон, анбори озуқаворӣ, ошпазхонаю ошхонаи сарбозӣ, ошхонаи афсарӣ, ҳаммом, сартарошхона ва утоқи алоқаи телефонӣ ва интернетӣ боздид кардааст: “Чунонки зикр гардид, дар ин утоқ ба сарбозон имкон дода мешавад, бо падару модар ва аҳли оилаи худ бо телефон ё тавассути интернет ройгон гуфтугӯ кунанд.”

Бино ба иттилои манбаъ, дар қисми низомии 3502 як хобгоҳи дуошёна барои афсарон бунёд ёфтааст, ки аз хонаҳои як ва дуҳуҷрагӣ иборат буда, дар он то 40 афсар, аз ҷумла бо аҳли оилаашон метавонанд истиқомат кунанд. Гуфта мешавад, ин қисми низомӣ яке аз бузургтарин ҷузъу томҳои Қӯшунҳои дохилӣ ба шумор рафта, дорои варзишгоҳ, майдонҳо барои дигар намуди бозиҳои варзишӣ ва майдончаҳо барои машғулиятҳои ҳарбӣ мебошад.

Мӯҳр

Хабарҳои монанд:

Мурод

Ин афсонара бимнеда “Чунонки зикр гардид, дар ин утоқ ба сарбозон имкон дода мешавад, бо падару модар ва аҳли оилаи худ бо телефон ё тавассути интернет ройгон гуфтугӯ кунанд."........ хандаи кас меояд мо дар ТВТ интернет надорем , ки манбаи иттилоот ва расона аст ино бошан дар военный част бо интернет гуё афсрон бо падару модарнашон гуфтугу мекарда бошан. Хайр хеч агп не ханда хам доруст одамро табобат мекунад... Дуруг хам то индарача недя барои показуха шояд як ду бор нишон медихнд пас тамом пули интернет карздор дишгар ба хамин истифодаи интернет тамом.

Ҷавоб диҳед Иқтибос Шикоят

Эзоҳ илова кунед