Пиразани 60-сола иддао дорад, президент қолинчаи ӯро ба Бан Ки Мун додааст
Як пиразани қолинбоф иддао дорад, Маҳмуди Аҳмадинажод -- раиси ҷумҳури пешини Эрон ба Бан Ки Мун, дабири кулли Созмони Милал, қолинчаеро туҳфа кардааст, ки ба ӯ тааллуқ дошта, муздаш ҳанӯз пардохт нашудааст.
Ба гуфтаи ӯ, қолинчаи мазкур соли 2001 бофта шуда, дар давраи ҳукуматдории Муҳаммад Хотамӣ – раиси ҷумҳури собиқи Эрон ба идораи саноат, маъдан ва тиҷорати шаҳри Исфаҳон пешниҳод шудааст. Соҳиби қолинча бо ироаи ин маҳсули дасташ ба мақомоти Исфаҳон идеяеро пешниҳод карда будааст, ки ӯ тавони истеҳсоли ин навъи қолинро дораду мақомот метавонанд, ҳангоми ҳадя кардани туҳфаҳои дӯстонаи раиси ҷумҳури Эрон ба шахсиятҳои сиёсии кишварҳои дигар аз онҳо истифода намоянд.
Аммо ин қолинбофи эронӣ бо гузашти вақти тӯлонӣ посухеро дар мавриди идеяи пешниҳод кардааш дарёфт намекунаду пайгириҳояш ҳам барои пайдо кардани қолинча бенатиҷа мемонанд. Соли 2012 Маҳмуд Аҳмадинажод қолинчаеро ба Бан Ки Мун, дабири кулли Созмони Милал, дар шаҳри Ню-Йорк туҳфа мекунаду хабару аксҳои он дар сархатти расонаҳои хабарӣ қарор мегирад, ки дар натиҷа ба пиразан низ барои пайдо кардани макони будубоши қолинчааш кумак мекунад.
Пиразан баъд аз дидани аксу хабари қолинчааш дар расонаҳо барои пайгирии ин моҷаро ба раёсати ҷумҳурии кишвараш нома менависад. Вале ин бор низ бо гузашти вақти тӯлонӣ посухеро дастрас намекунаду маҷбур мешавад, ба хонаи Аҳмадинажод равад. Пас аз суҳбату дидор бо ӯ, пиразани 60-солаи қолинбоф барои гирифтани як нома бо имзову муҳри раиси ҷумҳури Эрон ба ин маъно, ки ҳанӯз музди қолинчааш пардохт нашудааст, даст меёбад.
Аммо ин бор низ ба далели варшикастагии ниҳодҳои зирабт музди қолинча пардохт намешаваду барои пиразан дар умури истеҳсоли ин навъи қолин низ ҳеч гуна имтиёзе дода намешавад. Ин зани эронӣ мегӯяд, барои ӯ ҳанӯз равшан нест, ки чӣ гуна қолинчаи ӯ аз идораи саноат, маъдан ва тиҷорати шаҳри Исфаҳон то кохи раёсатҷумҳури Эрон ва аз он ҷо ба утоқи Бан Ки Мун расидааст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |