“Ях”-и муносибати Тоҷикистону Узбакистон об мешавад?
Эмомалӣ Раҳмон, раиси ҷумҳури Тоҷикистон бо ирсоли паёми табрикӣ ба муносибати рӯзи истиқлоли Узбакистон хостори ҳамкории бештар бо он кишвар шудааст. Ҷавоби Ислом Каримов чӣ хоҳад буд?
Бархе коршиносон бо ишора ба паёмҳои қаблии раҳбарони ду кишвар, ки дар рӯзҳои ид ва ё ҷашнҳои истиқлол унвонии ҳам ирсол кардаанд, мегӯянд, аз табрикоти навбатӣ ҳам намешавад, тағйироти решаиеро интизор буд. Ба гуфтаи онҳо равобити сарди ду кишвар бар асоси баҳсҳои умда, ки ҳовии манофеи ҳар ду кишвар аст, шакл гирифта ва “ях”-и ин муносибатҳо, ҳатто бо ташрифи Ислом Каримов ба Тоҷикистон наметавонад об шавад. Қарор аст, раиси ҷумҳури Узбакистон ҷиҳати иштирок дар нишасти сарони кишварҳои узви Созмони Ҳамкориҳои Шанхай озими Душанбе шавад.
Саъдӣ Юсуфӣ, таҳлилгари масоили сиёсӣ мегӯяд, пеш аз сафари Ислом Каримов ба Тоҷикистон дар равобити ду кишвар тамоюли нармиш ба назар мерасад, вале умедвор будан ба тағйироти решаӣ дар муносибати ҳар ду кишвар воқеӣ ба назар намерасад. “Шахсан интизор надорам, ки дидори мазкур тағйироти решаӣ ва таҳаввули бузургу таърихириеро дар муноcисботи ду кишвар ба бор биёрад”,-меафзояд ӯ.
Соҳибназарон ба нишон надодани устуворӣ дар сиёсати хориҷӣ аз сӯйи Узбакистон зиёд ишора мекунанд. Ба қавли онҳо Тошканд даҳҳо маротиба тавонист мавқеашро нисбат ба Русия ва дигар кишварҳои абрқудрат тағйир бидиҳад. Бо ин ҳол, коршиносоне ҳастанд, ки ба тағйири муносиботи Узбакистон дар қиболи Тоҷикистон хушбинанд. Ба бовари Сафват Бурҳонов, таҳлилгари масоили минтақавӣ, дар сиёсат ҳар касе дасти аввалро дароз кард, муваффақ мешавад: “Муҳим ин аст, ки Тоҷикистон хоҳони дӯстӣ ва ҳамкорӣ мебошад ва ин хостаи давлатро раиси ҷумҳур баён кардааст”.
Ҷаноби Бурҳонов таъкид мекунад, барқарор кардани муносибати нек бо Узбакистон бурди Тоҷикистон хоҳад буд: “Бовар дорам, ки бо барқарор кардани муносибати нек бо ҳамсояҳо мо ҳама бурд мекунем, хосса дар чунин замони ҳассос. Таърих хосияти аҷиб дорад, ноҷуриҳо зуд фаромуш мешавад”.
Шодӣ Атоӣ, ходими пешбари илмии Маркази омӯзиши равандҳои муосир ва оянданигарии илмии Академияи илмҳои Тоҷикистон мегӯяд, ҷавоби Узбакистон ба пешниҳоди ҳамкории Тоҷикистон мусбат хоҳад буд. Ба назари ӯ, сатҳи нармиши мусонибати Узбакистон дар моҳҳои ахир гувоҳ бар ин аст, ки дар оянда муносибати ду кишвар хуб мешавад.
Муносибати Тошканду Душанбе аз чанд соли пеш ба сардӣ гаравид, ки ба гуфтаи коршиносон таъми талхи онро бештар аз ҳама Тоҷикистон “мечашад”. Узбакистон аз мухолифони сарсахти бунёди неругоҳи баркӣ-обии Роғун аст. Ҳамчунин, чандин маротиба зидди ширкати алюминиюми Турсунзода садо баланд кардааст. Узбакистон борҳо монеаи вуруди молу маҳсулот тавассути қаламраваш ба Тоҷикистон шуд, ки ба иқтисоди кишвар зиён овард. Дидори ду раҳбар дар Душанбе таъми "талх"-ро "ширин" мекунад ва "як"-и муносибатҳоро об мегардонад ё на, вақт нишон хоҳад дод.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
