АКС: Такрори зиёфати Раҳмон барои Сӣ Ҷинпин дар шабакаи аввал
Ин зиёфати ба гуфтаи дафтари матбуотии президенти кишвар ғайрирасмӣ, шоми 12 сентябр дар қароргоҳи шаҳрии Эмомалӣ Раҳмон баргузор шудааст.
Телевизиони давлатии Тоҷикистон аз ин меҳмондорӣ "Шоми дӯстӣ" ном бурда, онро такроран пахш мекунад. Дар навори мазкур қабули Сӣ Ҷинпин ва бонуи аввали Чин - Пен Лиюн аз ҷониби хонаводаи президенти Тоҷикистон, ба президенти Хитой пӯшондани ҷомаву тоқӣ, намоиши маҳсули ҳунарҳои тоҷикӣ ба мисли гулдӯзию зардӯзӣ, заргарӣ ва ороишоти дигари миллӣ, тамошои гулбоғу дарахтон намоиш дода мешавад. Ба иттилои дафтари матбуоти райиси ҷумҳур, аксари дарахтони мевадиҳандаву сояафкани қароргоҳи мазкур "аз ҷониби худи Сарвари давлат Эмомалӣ Раҳмон шинонда шудаанд".
Лавҳаи шабакаи аввали телевизиони Тоҷикистон пешниҳоди самбуса ба меҳмонон аз сӯйи Эмомалӣ Раҳмон ва барои бонуи аввали Чин аз дег кашидани косаи шурборо ҳам нишон медиҳад.
Дафтари матбуотии президент менависад, "меҳмонони олимақом аз меҳмоннавозии гарми тоҷикӣ, ки аз ҷониби Сарвари давлати Тоҷикистон Эмомалӣ Раҳмон ва ҳамсари ӯ, бонуи аввали кишвари мо зоҳир гардид, басо шоду мамнун шуданд".
Сӣ Ҷинпин, раиси ҷумҳури Чин 11 сентябр барои иштирок дар ҳамоиши сарони кишварҳои узви Созмони ҳамкории Шанхай ва анҷоми нахустин сафари давлатӣ ба Душанбе омад. Ба иттилои дафтари матбуотии президенти Тоҷикистон рӯзи 14 сентябр "Сӣ Ҷинпин пас аз иштирок дар ҳамоиши навбатии сатҳи олии Созмони ҳамкории Шанхай ва анҷоми сафари пурмаҳсули давлатӣ аз шаҳри Душанбе баргашт".
Манбаъ меафзояд, дар фурӯдгоҳи байналмилалии шаҳри Душанбе меҳмони олимақом ва ҳамсари ӯро Эмомалӣ Раҳмон, бонуи аввали Тоҷикистон ва дигар шахсони расмӣ гусел намуданд: "Зимни мулоқоти кӯтоҳе, ки дар толори меҳмонони олимақоми фурӯдгоҳи Душанбе баргузор шуд, сарони ду давлат Эмомалӣ Раҳмон ва Си Ҷинпин ба ҷараён ва натиҷаҳои ҳамоиши навбатии Созмони ҳамкории Шанхай ва сафари давлатии Раиси Ҷумҳурии Мардумии Чин бори дигар баҳои баланд доданд".
"Боздиди нахустини Раиси Ҷумҳурии Мардумии Чин Си Ҷинпин аз Тоҷикистон басо пурмаҳсул шуд, зеро дар ҷараёни татбиқи амалии санадҳои дар ин сафар миёни ду кишвари дӯсту ҳамсоя ва ҳамшарики стратегӣ баимзорасида беш аз 6 миллиард доллари амрикоӣ ба Тоҷикистон ворид мешавад, даҳҳо иншооти бузурги саноатӣ бунёд мешавад ва ҳазорҳо ҷойҳои нави корӣ муҳайё мегардад", - иттилоъ медиҳад дафтари матбуотӣ.
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
