23 сен 2014 10:39Тоҷикистон / Ҷавонон ва варзиш

Баҳои "ду"-и Диловаршоҳ барои доварии рақобати "Парвоз"-у "Далерон"

Сатҳи доварии Диловаршоҳ Орзуев дар доираи даври 13-уми чемпионати Тоҷикистон миёни дастаҳои лигаи олӣ “ғайриқаноатбахш” эътироф шуд.

Орзуев қувваозмоии дастаҳои “Парвоз”-и Бобоҷон Ғафуров ва “Далерон-Уротеппа”-и Истаравшанро доварӣ кард, ки бо ҳисоби 1:2 анҷом ёфт. Торнамои Федератсияи футболи Тоҷикистон менависад, Алишер Урунов, менеҷери Лигаи миллии футболи кишвар, ки дар ин бозӣ ба ҳайси нозир иштирок дошт, ба Диловаршоҳ Орзуев баҳои “ду” (4 хол) гузоштааст.

Баъди анҷоми бозӣ, сармураббии “Парвоз” Муҳаммад Ҷӯраев аз болои Орзуев шикоят кардааст. Ба гуфтаи ӯ, довар дар дақиқаҳои 68 ва 84-и дидор ба дарвозаи “Далерон” зарбаи ҷаримавӣ таъин накард. “Навори ин бозӣ нишон додааст, ки довар воқеан ба хатоӣ роҳ додааст, ки ба натиҷаи бозӣ таъсир гузошт”,-навиштааст манбаъ.

Шикояти “Парвоз” қарор аст дар наздиктарин ҷаласаи комиссияи мутахассисон ва нозирони ФФТ баррасӣ шавад.

Мӯҳр

Хабарҳои монанд:

daleron

ин такаллуб кории ффт, кай ба охир мерасида бошад? аввал бо хар гунаи бахонаи бе асос бозии далерону истиклоро ба ш. Хучанд гузошт, дуввум дарвозабон асосии далеронро ба майдон бози карданро ичозат надод, барои чи ффт нисбати далерон инкадар гараз дорад, барои чи бозии байни Далерону Хайр, ки дар он голи 100%-и Далеронро довар ба инобат нагирифт, ки ин хатои довар ба натичаи бози таъсири манфи гузошт, вале, ффт ин хатои доварро ба мухокима накашид? Диловаршох аз руи коида бозиро назорат кард, вай коида вайрон кунии бозингарони далерон асоси таъин намудани зарбаи чаримавиро надошт. Агар касе, ки хохад навори бозиро тамошо кунанд!

Ҷавоб диҳед Иқтибос Шикоят

Эзоҳ илова кунед