23 сен 2014 12:01Тоҷикистон / Иҷтимоӣ / Дидгоҳи хос

Сипоси вазири хориҷӣ ба вазири дохилӣ: Ба мардум кӣ раҳмат мегӯяд? (АКС)

Сироҷиддин Аслов, вазири умури хориҷии Тоҷикистон, расман бо ирсоли як паём ба генерал, Рамазон Раҳимзода, вазири умури дохилии кишвар изҳори миннатдорӣ кардааст.

Тавре дафтари матбуоти Вазорати умури дохилии Тоҷикистон, имрӯз, 23-юми сентябр хабар медиҳад, Аслов зимни ироаи миннатдорияш аз ҷумла таъкид намудааст, ки тадобири амниятии мақомоти умури дохилӣ зимни ҷаласаи сарони кишварҳои узви Созмони ҳамкории Шанхай шоистаи таҳсин аст: “Хидмат дар роҳи пешрафту шукуфоии Ватан комёбиест, ки мебояд ҳамвора дар истимрори он ҳиммат гумошт ва самараи мубораки саъйю талошҳои пайвастаи Шумо, муҳтарам ҷаноби Вазир ва чунин кормандони содиқу соҳибмаҳорат боиси тақвияти эътибору манзалати кишвармон дар арсаи ҷаҳонӣ хоҳад гашт.”

Ин дар ҳолест, ки роҳбандию бозорбандӣ, ки ба далели ҳузури президентҳои кишварҳои хориҷӣ тайи се рӯзи ҷаласаи сарони кишварҳои узви СҲШ дар Душанбе роҳандозӣ шуда буд, боиси нороҳатии бисёре аз сокинони қатории пойтахт гардид.

Дар шаҳри Душанбе аз 11 то 13-уми сентябри соли равон ба далели тадобири амниятӣ ҳаракати мошинҳо дар кӯчаҳои калидӣ маҳдуд буд ва мардум аксаран пиёда мегаштанд. Дарвозаҳои “Корвон”, калонтарин бозори Тоҷикистонро тайи се рӯз бастанд, ки ба гуфтаи тоҷирони бозор зараровар буд.

Ронандаҳои мусофиркаш низ изҳор медоштанд, ки дар пайи роҳбандиҳо маҷбуранд гирди шаҳр гарданд, ки дар натиҷа хатти сайри онҳо низ тӯлонӣ гашта, хароҷоташон афзоиш ёфтааст.

Аммо бо вуҷуди ин ҳама ягон ниҳоди Тоҷикистон барои эҷоди чунин нороҳатиҳо аз сокинон узр нахост ва сипос нагуфт, ки чунин шароитро тоқат карданд.

Сипоси вазири хориҷӣ ба вазири дохилӣ: Ба мардум кӣ раҳмат мегӯяд? (АКС)

Мӯҳр

Хабарҳои монанд:

мусича

ха , барои мо мардум ки рахмат мегуяд. Мо кушиш кардем бештар дар хона бошем то дар кучахо ба кормандони орган халал нарасонем.

Ҷавоб диҳед Иқтибос Шикоят

Шоди

Албата чаноби Аслов дар он рузхо бе мамоният дар роххои басташуд мошинсавор мегашт, чаро минатдори накунад. Азоби халки бечора чи чаноби Аслов шоистаи тахсин нест магар?

Ҷавоб диҳед Иқтибос Шикоят

Anvar

Шарм доред чаноби Аслов мардуми бечораро мудати як хафта сарсону саргардон намудед , пиру чавон шойхояш аз пийода гарди варам кард , шумо дар холе вазири дохиларо сипос мегуфтед ки хам амеияти мехмонону хам шароити мардумро дуруст барох мемонанд

Ҷавоб диҳед Иқтибос Шикоят

Mirasil

Дар ҳақиқат ҳам кормандони соҳаи Амнияти милли ва ҳам коркунони вазорати умури дохили хизмати арзанда доштанд дар он шабу руз! Бо чунин як шаҳомати беандоза гузаронидани чорабинии калон ки дар он сарони давлатҳои калонтарин монанди Русия, Чин ва Қазоқистону Эрон ва ғайраҳо буданд боиси таҳсин ин родмардон аст! Ба Шумо барори кор сарбалди ва тансиҳати орзумандам!!

Ҷавоб диҳед Иқтибос Шикоят

Оташак

Ҷанобон, як чизро фаромӯш накунед, мардум барои давлат ҳастанд. на давлат барои мардум! Ин аст мантиқи мо шаҳрвандону давлатдорон. Мо бояд шукр гуем, ки дар ин рӯзҳо ичозат доданд, аққалан ба кӯча бароем

Ҷавоб диҳед Иқтибос Шикоят

навкиса

хаминам гап шуду.....

Ҷавоб диҳед Иқтибос Шикоят

Бародар

Аслов дипломат будани худро нишон додааст, аммо калимахои Вазир ва Шумо оё дар хамин матн бояд бо харфои калон навишта шаванд?

...талошҳои пайвастаи Шумо, муҳтарам ҷаноби Вазир...

Ҷавоб диҳед Иқтибос Шикоят

Салимбой

Вазирон ба пеш! Якдигарамонро таърифу тавсиф карда гардем, хуб мешавад. Аз захматхои президент ёд накунед, хама корхоро шумо кардед. Пеш аз ин корро кардан як бор фикр кардан лозим буд. Ё ки номаи сипосро дар сомона бояд чой намедоданд. Айб аст. Боз худро дипломат мегирем...

Ҷавоб диҳед Иқтибос Шикоят

Эзоҳ илова кунед