24 сен 2014 15:33Оcиёи Марказӣ / Тоҷикистон
Тоҷикон дар миласозӣ бо арабҳо вориди сабқат мешаванд?
Арабистони Саудӣ бо бунёди баландтарин милаи парчам ба дарозии 171 метр, ба китоби рекордҳои Гиннес ворид шудааст. Акнун давлати Саудӣ бо парчами баландтаринаш аз Тоҷикистон пешсаф аст.
Шавкат Шарипов, райиси бахши Ҳизби наҳзати исломии Тоҷикистон дар ноҳияи Ашт мегӯяд, дар “байрақсозӣ” арабҳо аз мо гузаштанд, акнун бояд барои дар риштарошиву ҳиҷобкашӣ пеш гузаштан талош кунанд: “Инро агар тавонистанд, навбати чӣ қадар бисёр руҳониҳоро порнореклама кардан мерасад. Мебинем, арабҳо дар ин ҷода аз мо пеш гузашта метавонанд ё на. Агар натавонистанд, дигар зӯри беҳуда назананд”.
Файзинисо Воҳидова, ҳуқуқшиноси тоҷик муътақид аст, бунёди парчамҳои баландтарин сарфи беҳудаи маблағ асту ҳеч моҳият надорад. Ба таъкиди ин коршинос, парчам бояд ҳамчун рамзи давлатӣ бошад ва рақобати кишварҳо дар мавриди бунёди парчами баландтарин бемаънигист. “Фикр намекунам, баъди Арабистони Саудӣ Тоҷикистон барои боз баландтар сохтани милаи парчам иқдом кунад”.
Бахтиёри Ҳамдам, сардабири нашрияи “Минбари Халқ” мегӯяд, кӯчактарин парчами кишвар барояш аз баландтарин байрақи кишварҳои дигар маҳбубтар мебошад. Аммо ӯ бар ин аст, иқдоми парчамсозиҳо барои боло бурдани ғурури миллии шаҳрвандон гирифта мешавад: “Ин гуна иқдом ба хотири бедор кардани эҳсоси миллии мардуми кишвар, арҷ гузоштан ба муқаддасоту арзишҳо анҷом дода мешавад. Парчами бузург ҳаргиз нишони даъвои бузургманишӣ, иқтидор ва ё афзалият аз дигаронро надорад”.
Сурадҷ Назаров, як муҳоҷири тоҷик дар Русия гуфт, беҳтар аст ҷойи сохтани баландтарин парчам, корхона ё кадом иншооте сохта шавад, ки нафъаш ба мардум бештар мерасад. “Барои халқи мо корхонаҳои тавлидотӣ даркор аст, на парчам. Бояд корхонаҳои тавлидотӣ созем, то як каме ҳам бошад, шаҳрвандонамонро аз муҳоҷират баргардонем”,-меафзояд ӯ.
Ҳарчанд ҷойи номи кишвари моро дар китоби Гиннес вобаста ба баландтарин милаи парчам “танг” карданд, аммо исми Тоҷикистон бо шарофати “мағзҳо”-и пухтааш ҳамеша хабарсоз боқӣ монда, ҳатто дар раддаҳои аввал қарор хоҳад гирифт. Мавзӯи риштарошӣ, ҳиҷоб ва пахши “секси муллоҳо” дар шабакаҳои телевизионии давлатӣ ҳанӯз дар “мӯд” аст ва гумон аст, кишвари дигаре дар ин росто аз Тоҷикистон пеш гузарад. Ё, дуруғ гуфтам?
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
