HelpAge International: Вазъи солмандон дар Тоҷикистон бадтар шудааст (ВИДЕО)
Созмони ғайридавлатии HelpAge International аз бадтар шудани вазъи солмандон дар Тоҷикистон нисбат ба солҳои қаблӣ хабар додааст.
Ин созмон дар пайи омӯзиши вазъи куҳансолон дар гӯшаву канори олам гузоришеро таҳти унвони “Индекси глобалии солмандон дар соли 2014” нашр карда, Тоҷикистонро дар миёни 96 кишвари дунё дар мақоми 61 нишондааст.
Дар ҳоле, ки дар таҳқиқоти соли гузаштаи ин созмон Тоҷикистон миёни 91 кишвар мақоми 52-юмро соҳиб шуд. Аз байни давлатҳои пасошӯравӣ мақоми баландро Эстония гирифтааст. Он дар ҷои 20-ум қарор дорад. Дар ин раддабандӣ Гурҷистон дар мақоми 28, Латвия – 35, Арманистон – 40, Қирғизистон – 49, Литва – 60 ва Молдов дар мақоми 74-ум ҷой гирифта, Озарбойҷону Қазоқистон, Туркманистон ва Узбакистон имсол ба феҳрист роҳ наёфтаанд.
Норвегия, Шветсия, Швейтсария, Канада ва Олмон ба панҷгонаи беҳтарин кишварҳо барои зиндагии солмандон шомил шуда, мақоми охири радабандӣ насиби Афғонистон шудааст.
Ба омори Созмони милали муттаҳид то соли 2030 теъдоди афроде, ки синашон аз 60 боло мебошад, ба 1,4 миллиард хоҳад расид. HelpAge International дар ин гузориши худ қайд кардааст, то соли 2050 21 дар сади аҳолии дунёро афроди синашон аз 60 боло ташкил хоҳанд дод.
Гузориши HelpAge International дар бораи бад шудани вазъи зиндагии солмандон дар Тоҷикистон дар ҳолест, ки бештари афроди бузургсол дар як назарпурсӣ ба “Озодагон” гуфтанд, вазъи зиндагияшон олӣ аст ва шикояте надоранд. Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |