03 окт 2014 15:53Тоҷикистон / Иҷтимоӣ / Рӯ ба рӯ / Тема дня

Бародари Фаррух Урозов: Пулисҳо фарёди ҷонкоҳашро мешуниданду коре накарданд

Кумитаи байниминтақавии мубориза бо шиканҷа дар Русия дар такя ба далелҳо ва нишондоди шоҳидон мегӯяд, Фаррух Урозов, шаҳрванди Тоҷикистон дар пайи бадрафтории маъмурини пулиси шаҳри Солнечногорск фавтидааст. Ин созмон мегӯяд, бо дархости Илҳом Алихонов, бародари Фаррух ба таҳқиқи марги ӯ дар идораи пулиси Солнечногорск пардохтаанд, вале нишондодҳои то ҳозир ҷамъкардаашон аз он шаҳодат медиҳанд, ки ӯ дар пайи латукӯб мурдааст.

Кумитаи зидди шиканҷа аз қавли Илҳом Алихонов менависад, бегоҳи 17-уми сентябр вақте ӯ аз кор ба хона омад, бародараш Фаррух аллакай дар хоб буд: “Баъди 10 дақиқа ба хона маъмурини пулис ҳамроҳи ҳамсоязанамон Светлана даромада, Фаррухро бедор карданд ва зада-зада бурданд. Баъдтар фаҳмидем, ки Фаррухро дар таҷовуз ба номуси духтари 6-солаи Светлана айбдор мекунанд.”

Илҳом афзудааст, баъди чанде маъмурини пулис ӯ ва ҳамроҳаш Фирдавс Сатторовро низ ба идораи пулиси Солнечногорск бурданд: “Он ҷо Фаррухрро дар яке аз утоқҳо латукӯб мекарданд ва ӯ бо овози баланд дод мезад. Барои чанд лаҳза ҳангоми нимкушод будани дар Фаррухро дидам, ки бо дастони баста хунолуд рӯи фарш буд ва бо забони тоҷикӣ сӯи ман гуфт, ки “дигар тоқат карда наметавонам." Аз ҳама ҳайратовараш он буд, ки фарёди ҷонкоҳи Фаррухро маъмурини дигари пулис, ки аз роҳрави идора мегузаштанд, мешуниданд, аммо чорае наандешиданд.”

Илҳом Алихонов афзудааст, ки рӯзи дигар онҳоро аз идораи пулис ҷавоб доданд ва баъди чанде фаҳмиданд, ки Фаррух ба ҳалокат расидааст.
Кумитаи зидди шиканҷа мегӯяд, пеш аз интиқоли ҷасади Фаррух ба Ватан осори бадрафторӣ дар бадани ӯро акс гирифтаанд ва талош мекунанд, дастандаркорони марги ӯ муҷозот гарданд.

Ин дар ҳолест, ки Хадамоти амнияти дохилии вилояти Маскав аз боздошти се афсари шуъбаи умури дохилии ноҳияи Солнечногорск хабар дод, ки дар марги Фаррух Урозов, шаҳрванди 39-солаи Тоҷикистон муттаҳам мешаванд.

Тавре дафтари матбуоти Вазорати умури дохилии Русия мегӯяд, як майор, сардори шуъбаи куфтукови ҷиноии Солнечногорск ва тобеинаш капитану лейтенанти калон боздошт гардидаанд. Ба иттилои манбаъ ин афрод Фаррухро ба иттиҳоми таҷовуз ба номуси як духтар дар Солнечногорск, ки бегоҳи 17-уми сентябр рух додааст, боздошт карда, мавриди латукӯб қарор додаанд. Дар натиҷа шаҳрванди Тоҷикистон шаби 17 ба 18-уми сентябр дар роҳрави шуъбаи пулис ҷон бохта, кормандони ёрии таъҷилии тиббӣ марги ин муҳоҷирро тасдиқ кардаанд.

Дар наворҳҳои видеоӣ лаҳзаи ба шуъба овардани ин муҳоҷири тоҷик сабт шуда, сабтҳои дигар тоза карда шудаанд. Табибон мегӯянд, бинию қабурғаи Урозов шикаста, пардаи гӯшаш дарида будааст. Тибқи иттилои пешакӣ дастандаркорони ин қазия дар лаҳзаи боздошт ва латукӯби муҳоҷир дар ҳолати мастӣ қарор доштаанд.

Ҷасади Фаррух Урозов, зодаи ҷамоати Ғайрати ноҳияи Фархор, ба зодгоҳаш интиқол дода шуда, дафн гардидааст.

АКС: Дар байн Фаррух Урозов

Мӯҳр

Хабарҳои монанд:

Мухочир

Бовар кунед мардуми точик хар сол кариб 100 то 150 нафар анна хаминхел мемурад, анна хаминхел бо тухмат суд мешавад аммо хукумати мо парвое надоранд инхо барои аз сари кудрат нарвфтанашон ягон гап зада наметавонанд ин русияхоро

Ҷавоб диҳед Иқтибос Шикоят

Махмуд

"Озодагон" конунро риоя кунед, муаллифи аксро гузоред!

Ҷавоб диҳед Иқтибос Шикоят

Барои ин "шарики стратеги" кадри точик аз саги куча хам пасттар аст.

Ҷавоб диҳед Иқтибос Шикоят

Максад

Котилонро дар Точикистони худамон чазо намедиханд, аз Руссия чи умед доира ба дасти бибикалон конун дар дасти конундорон.

Ҷавоб диҳед Иқтибос Шикоят

лвлвлв

росия ки коркуни рафти, халол кор кунед, наход кудакро тачовуз бикуни , охир у кудак аст ва боз дар хонаи он нону намак мехурди,

Ҷавоб диҳед Иқтибос Шикоят