03 окт 2014 17:11Тоҷикистон / Иҷтимоӣ

Суоли донишҷӯи тоҷик аз дипломати маъруфи Амрико: Чаро нооромӣ меоред?

Ҷон Теффт, сафири Амрико дар Русия, ки ҳамчун дипломати “низоъбарангез” шуҳрат ёфтааст, дар мулоқот бо донишҷӯёни Ярослав гуфтааст, талош барои тағйирот ва расидан ба ҳадафро аз духтараш бояд омӯхт, ки дар Тоҷикистон ба муваффақиятҳо ноил шудааст.

Ҷон Теффт рӯзи 3-юми октябр суханронияшро дар Донишгоҳи Ярослав аз он оғоз кардааст, ки инсон бояд дар зиндагӣ ҳадаф дошта бошад ва талош барои пешрафту тағйири ҳаёташ кунад. Сафир дар хитоб ба донишҷӯёни рус гуфтааст, шояд шумо Киссинҷер нашавед ва монанди Путин ҷаҳонро тағйир дода натавонед, вале духтарашро мисол овардааст, ки ба Тоҷикистон омада, маркази ёрии ҳуқуқиро ташкил кардааст: “Ӯ ба одамон кӯмак расонд, ҷаҳонро тағйир дод.”

Донишҷӯи тоҷики донишгоҳи Ярослав аз Теффт суол кардааст, ки чаро ҳангоми сафирияш дар кишварҳои гуногун руҳияҳои зиддирусиягӣ шиддат меёбанду нооромиҳо сар мезананд: "Замони сафирии Шумо дар Гурҷистону Украина нооромиҳо сар заданд ва дар Русия аз Шумо чиро бояд интизор шуд?”

Ҷон Теффт ба посух ба донишҷӯи тоҷик гуфтааст, “ҳадафи ман фаҳмондани сиёсати Амрико аст ва ҳамчунин Вашингтонро аз авзоъ дар Русия огоҳ мекунам. Ин кори сафирҳо дар ҳама ҷо, ҳам дар Киев ва ҳам дар Душанбе аст.”

Теффтро ахиран Обама аз нафақа бозхонда ба ҳайси сафир дар Русия таъин намуд. Дар Русия бо ишора ба таҷрибаи кории Теффт дар Гурҷистону Украина ӯро як дипломати низоъбарангез арзёбӣ мекунанд, ки бо омаданаш талошҳо барои дар инзивоъ мондани Русия пиёда гардида истодаанд.

Мӯҳр

Хабарҳои монанд:

Кулоби

кандта зан Точикбача!!!ма намедонм намешносм духтари и одама дар бораи ки ба ягон кас кумак расонданшам хабар надорам,неки дур намерем икадар озодии сухан гуфта доод меген пас ку хаму ёрии духтарш ки ба як оилаи ки аз тарафи корманди сафорати амрико дар Душанбе ба мошин зада гурехт рафт ягон ёрдам кад???хозирам сари вакт аст аз ин амрикоихо дур шидан даркор кучое ки паи кадамшон расид нооромиай ........

Ҷавоб диҳед Иқтибос Шикоят

Эзоҳ илова кунед