АКС: Мавъиза алайҳи Умаралӣ Қувватов дар намози Иди Қурбон
Намозгузорон мегӯянд, имом-хатибон вақте мавъизаи Кумитаи динро қироат мекарданд, гуфтаанд, "баъзе нохалафони давлат ё ватанфурӯшоне, ки аз нону намаки ин сарзамини муқаддас ба рушду камол расидаанд аз кишварҳои хориҷа бар зидди давлати соҳибихтиёрамон ангушти иттиҳом мебардоранд. Ҳол он ки худ аз гузаштаи начандон дурашон фаромуш накардаанд, ки чӣ касе буданду кӣ шуданд". Дар идома таъкид шудааст, ки "аз ҷумлаи ин афрод сарвари ба ном "гуруҳи 24" Умаралӣ Қувватов мебошад, ки аз дур истода мардумро ба шуру ғавғо даъват намуда истодааст. Ӯ худ зархариди давлатҳои хориҷа буда, амри онҳоро иҷро менамояд ва мехоҳад бо ҳар роҳу усул сулҳу суботи моро ноором созад".
Дар идомаи мавъиза гуфта шудааст, "Чунин ашхос на Ислом ва на давлатро ҳимоя менамоянд, балки манфиати давлату миллатро ба як танга мефурӯшанд. Ёдовар мешавем, ки номбурда дар ҷумҳурӣ яке аз роҳбарони корхонаҳои тиҷоратии "Фароз" ва "Тоҷирон"-ро ба уҳда дошт, ки баъдан маблағи калони ин корхонаҳоро ба яғмо бурда, аз тарси кашида шудан ба маҳкама ба хориҷи кишвар фирор кардааст. Дар ин нуқта бояд мардуми шарифи тоҷик хуб огоҳ бошанд, то фирефтаи ин гуна афрод нагарданд".
Дар ин мавъиза ҳамчунин аз рафтани ҷавонони тоҷик ба кишварҳои хориҷ барои ҷиҳод нигаронӣ шудааст: "Як падидае вақтҳои охир моро нигарон месозад, ки иддае аз ҷавонони мо дар кишварҳои хориҷӣ, алалхусус мамолики исломӣ фирефтаи суханҳои муғризонаи афроди ноогоҳ ва тавтеаталаб гашта ба он ҷо сафар намуданд. Аксари онҳо саводи казоӣ надошта, муҷиби ҳар гуна ҳолатҳо шуда, рӯй ба хориҷ ниҳодаанд ва аксарияташон хонаводаҳояшонро низ тарк намуда, суроғе намекунанд. Дар хориҷ онҳо ба ҳар гуна ҳаракату ҷараёнҳои ифротгаро ва тундрав шомил гашта, нуфузу эътибори миллати моро коста мегардонанд. Дар ин синну сол ҷавонписарони мо ба ҷои он ки як гӯшаи ватани худ, ки дар он ҷо аҳли хонаводаашон ва авлодашон мезиянд, обод созанд, ба гуруҳҳои иртиҷоӣ ҳамроҳ шуда, ба амалҳои тахрибовар даст мезананд. Вале афроди ноогоҳ дар кишварҳои мусулмоннишин бар зидди ҳамдини худ мусулмонон ба даст силоҳ мегиранд ва баъзан ҷони худро низ қурбон менамоянд. Чунин ҳолатҳо дар кишвари Сурия ба назар мерасад. Вале мо бояд ба ин иктифо накунем, зеро ҷавонон фарзандони мову шумо низ мебошанд ва тақдири ояндаи миллат дар дасти онҳост".
Дар поёни нукта аз ҳадисе ҳам ёдоварӣ шуда ва маънии ҷиҳод шарҳ дода шудааст: "Ҷиҳод дар дини мубини Ислом ба маънои кушиш, ҳаракат ва ғайрат намудан дар пешравии корҳои мусалмонон аз қабили илм, кашфиёт, тарақиёт, навоварӣ, мубориза бар зидди фасод ва амсоли ин омадааст".
"Озодагон" нусхае аз ин мавъизаро дарёфт кард, аммо дар он ишора нашуда, ки аз сӯйи кадом ниҳод таҳия гардидааст.
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
