Бозтоби сайтбандиҳо дар расонаҳои хориҷӣ: Мақомоти тоҷик тарсиданд!
Масдудияти сомонаю шабакаҳои интернетӣ дар Тоҷикистон аз қабили фейсбук, vk.com, lenta.ru, youtube.com, mk.ru, amazon.com, ru.wikipedia.org, ки дар маҷмуъ 300 адад арзёбӣ мешаванд, кишвари моро боз дар сархати расонаҳои муътабари хориҷӣ қарор додааст.
Расонаҳои Русия ва Ғарб бо пахши хабари масдудшавии сомонаҳо дар Тоҷикистон онро ҳамчун тарси мақомоти тоҷик аз гирдиҳамоии эҳтимолӣ дар Душанбе бозтоб додаанд.
Торномаи “Eurasianet” сайтбандиро як воқеияти Тоҷикистон хонда, афзудааст, мақомоти тоҷик бо бастани садҳо сайт талош доранд, аз ҳамоиши эҳтимолии эътирозӣ дар Душанбе ҷилавгирӣ кунанд: “Тазоҳурот дар Ҳонг Гонг ва қазияи Евромайдон дар Украина дар зеҳни бисёре аз мақомдорони минтақа нақш бастааст. Қудратдорони тоҷик низ нигаронанд, ки метавонанд бо нооромиҳои оммавӣ рӯбарӯ шаванд.”
Расонаҳои хориҷӣ таъкид мекунанд, ки сайтбандиҳо дар Тоҷикистон баъди даъвати мухолифини фирории ҳукуматӣ феълӣ барои гирдиҳамоӣ роҳандозӣ шудаанд. Ахиран Умаралӣ Қувватов, роҳбари созмони мухолифи “Гуруҳи 24” бо пахши як навор дар интернет аз баргузории гирдиҳамоии эътирозӣ дар рӯзи 10-уми октябр хабар дод. Феълан Додситонии кулли Тоҷикистон бо пешниҳоди аризаи даъвогӣ алайҳи “Гуруҳи 24” аз Суди Олии кишвар хост, онро экстремистӣ эълон намояду фаъолияташро манъ кунад. Қонеъ кардани ин даъво метавонад, заминаи ҳуқуқӣ барои ба ҷазои ҷиноятӣ кашидани эътирозгарони эҳтимолиро фароҳам орад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |