Чкаловск: Духтур 700 доллар пора гирифта ба даст афтод

Духтури  сироятшиноси маркази саломатии шаҳри Чкаловск аснои гирифтани пора дастгир шудааст.

---

Тавре ба хабарнигори  маҳаллии «Озодагон» аз РКД вилояти Суғд иттилоъ доданд, аз тарафи  прокуратураи шаҳри Хуҷанд парвандаи ҷиноӣ бо моддаи 32, қисми 3 ( тайёрӣ ба ҷиноят, суиқасди ҷиноят) ва 319 қисми 4 ( гирифтани пора аз ҷониби шахси мансабдор шахсан ё ба воситаи миёнрав)-и КҶ ҶТ нисбати  духтури сироятштноси маркази саломатии шаҳри Чкаловск Г.А. огоз карда шудааст. Вай қаблан солҳои 2001 ва 2005 бо моддаҳои 247 қисми 3 ва 247 қисми 1  (қаллобӣ)-и суд шуда буд.

Манбаъ афзуд, духтур 8 сентябри соли ҷорӣ аз шаҳрванд А.Г, сокини 24-солаи шаҳри Истаравшан барои эътироф намудани маҷрӯҳи гурӯҳи 2 буданаш, маблағи пулӣ ба миқдори 700 доллари ИМА-ро талаб  намуда, ҳангоми гирифтани пора дар утоқи кориаш аз тарафи кормандони прокуратураи вилояти Суғд ва шаҳри Хуҷанд дастгир карда шудааст.{jathumbnail off}

Мӯҳр