Даъвати ВКД барои насби камераҳо дар хонаҳои мардум
Вазорати умури дохилии Тоҷикистон аз шаҳрвандони кишвар даъват намудааст, ки дар гирду атроф ва даромадгоҳҳои манзили зисташон камераҳои назоратиро насб намоянд.
ВКД бо нашри як иттилоия аз раванди насбсозии камераҳо дар хиёбону муассисаҳои Душанбе тавсиф карда, изҳор доштааст, ки насби камераҳо дар манзилҳои истиқоматӣ низ барои пешгирӣ ва ифшои амалҳои бадсириштон мусоидат мекунад.
Ин ниҳод таъкидан зикр намудааст, ки феълан тамоми ҳудуди шаҳри Душанбе, аз ҷумла боғҳои фарҳангию истироҳатӣ, майдонҳо, бахусус ҷойҳои серодами шаҳр, маркази савдою бозор, вокзалу фурӯдгоҳ ва масҷиду ҷойҳои фарҳангӣ бо камераҳои мушоҳидавӣ пурра таъминанд: “Мақсад аз таъмин ва васл намудани камераҳои мушоҳидавӣ дар иншооту марказ ва ҷойҳои ҷамъиятӣ ин таҳти назорати пурраи оперативӣ қарор додани шаҳри Душанбе мебошад.”
Мақомоти умури дохилӣ ҳушдор додаанд, ки афроди бадхоҳу ихтилофҷӯ, ки мехоҳанд бо амалҳои ифротгароёнаи худ дар ҷомеа таблиғоту ташвиқоти ботилро дар шакли варақаҳои тарғиботӣ паҳн созанд, тариқи дастгоҳҳои назоратӣ ошкор ва боздошт хоҳанд шуд: “Имрӯзҳо дар қатори дигар объектҳои муҳими фарҳангию маъмурӣ, тамоми атроф ва дохили масҷидҳои панҷвақта ва ҷумъахонии шаҳри Душанбе бо таҷҳизоти наворбардорӣ таъмин карда шудааст.”
Ин даъватҳо ва ҳушдори ВКД дар ҳолеянд, ки дар Душанбе тадобири амниятӣ рӯзҳои охир пурзӯр шуда, дар дохилу даромадгоҳҳои пойтахт зиреҳпӯшу афсарони таъиноти махсус барои таъмини тартибот равона шудаанд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |