Раҳмон дар Минск аз иҷрои қарор оид ба зарурати кумаки фаврии техникӣ ба Тоҷикистон гуфтааст
Эмомалӣ Раҳмон, райиси ҷумҳури Тоҷикистон аснои суханронӣ дар ҷаласаи навбатии сарони кишварҳои узви Иттиҳоди давлатҳои мустақил (ИДМ) аз иҷрои қарори сарони давлатҳо оид ба “расондани кӯмаки фаврии техникӣ ба Тоҷикистон барои пурзӯр намудани ҳифзи сарҳади давлатӣ бо Афғонистон” гуфтааст. Дар ин бора дафтари матбуотии президенти кишвар хабар медиҳад.
Ҷаласаи навбатии сарони кишварҳои узви Иттиҳоди давлатҳои мустақил имрӯз, 10 октябр дар Минск, пойтахти Белорус ба кори худ оғоз кард. Ба иттилои манбаъ, Эмомалӣ Раҳмон дар ин ҷаласа инчунин таваҷҷуҳи ҳамтоёни худро ба авзои кунунӣ ва ояндаи Афғонистон ва афзоиши хатари терроризму ифротгароӣ ҷалб намуда, “онҳоро ба вусъати ҳамкорию ҳамгироии муассир даъват намуд”.
Дар кори ҷаласаи мазкур, раҳбарони Тоҷикистон, Қазоқистон, Қирғизистон, Узбекистон, Туркманистон, Арманистон, Озарбойҷон, Молдов, Русия ва Беларус иштирок доранд. Украинаро сафири ин кишвар дар Минск намояндагӣ мекунад.
Масоили таҳкими ҳамкории сиёсию амниятӣ, иқтисодию тиҷоратӣ ва фарҳангӣ дар доираи ИДМ, такмили заминаи ҳуқуқии робитаҳо, пурзӯр намудани ҳамгироӣ ба хотири пешгирӣ ва мубориза бо терроризму ифротгароӣ ва инчунин омодагӣ ба ҷашни 70-солагии Ғалаба дар Ҷанги Бузурги Ватанӣ (1941-1945) аз мавзӯъҳои асосии рӯзномаи ҷаласа гуфта мешаванд. Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |