14 окт 2014 12:27Оcиёи Марказӣ / Тоҷикистон

Даъвати Кабирӣ аз ҷавонон дар пайи овозаҳои “митинг”-у ситоиши "Ҷумҳурият"

Муҳиддин Кабирӣ, раиси Ҳизби наҳзати исломӣ ва вакили парлумони Тоҷикистон дар пайи овозаҳои “митинг” дар Душанбе бо ҷавонони кишвар мулоқот мекунад.

Тавре аз дафтари матбуоти ҲНИТ ба “Озодагон” хабар доданд, дар вохурии навбатии Муҳиддин Кабирӣ бо ҷавонон интизор меравад, “баҳсу гуфтугӯ бештар атрофи вазъияти сиёсии кишвар, аз ҷумла ҳаводиси охир сурат бигирад”.

Ба иттилои манбаъ, вохӯрии раиси ҲНИТ бо ҷавонон рӯзи 17 октябри соли ҷорӣ соати 14:00 дар қароргоҳи марказии ин ҳизб дар шаҳри Душанбе баргузор шуда, иштирок дар он озод аст. Дафтари матбуотии ҲНИТ мегӯяд, инчунин шаҳрвандон метавонанд, ҷараёни вохурии раиси ин ҳизб бо ҷавононро мустақиман тавассути шабакаи иҷтимоии “ZELLO” дар гурӯҳи “NAHZAT 2015” пайгирӣ намоянд.

Ин мулоқоти аввалини Муҳиддин Кабирӣ бо ҷавонон набуда, ӯ чунин дидорҳоро пайваста анҷом медиҳад ва бори охир рӯзи 12 сентбри соли ҷорӣ бахшида ба 23-юмин солгарди истиқлоли Тоҷикистон мулоқот карда буд. Силсила дидорҳои раиси ҲНИТ ва баҳсу гуфтугӯи рӯбарӯи ӯ бо ҷавонони кишвар дар ҳолест, ки ахиран “Ҷумҳурият” – нашрияи расмии ҳукумати Тоҷикистон иқрор кард, ки ӯ як шахси ҳимоятгари манофеи миллӣ аст. Нашрияи таъсисдодаи Эмомали Раҳмон, раисиҷумҳури Тоҷикистон аз фаъолиятҳои ахири Муҳиддин Кабирӣ дар майдони сиёсату ҳаводиси охири кишвар ситоиш карда, гуфт, “бояд иқрор кард, ахиран раиси ҲНИТ - Муҳиддин Кабирӣ худро ҳамчун нафаре муаррифӣ кард, ки манфиатҳои миллиро аз манфиатҳои гурӯҳӣ авлотар медонад. Номбурдаро муяссар гашт, ки тавассути иқдомоти дурандешонаи сиёсӣ дар давраи интихобот аз як ҷониб манфиатҳои умумимиллиро бар ҳадафҳои ҳизбӣ-гурӯҳӣ боло гузорад ва аз тарафи дигар пайдо шудани рахнаро дар муносибатҳои ҳизбу давлат пешгирӣ кунад.”

Мӯҳр

Хабарҳои монанд:

ап

Кабири ба хизмати дарбор гузашт. Барои як курсича дар парламент. Бас кун ба гуши чавонон лапша кашол карданро. Нест ба ту бовари. Дар интихоботи президенти хам хамаро чунон мохирона фиреб карди, ки ягон кас аз бозии пасипардагиат дарак наефт.

Ҷавоб диҳед Иқтибос Шикоят

Ахлиддин

Ман аз бекадрии хори сари девор донистам, ....... сад дар сад Кабири маддохи дарбор аст.

Ҷавоб диҳед Иқтибос Шикоят

дилсуз

Ба Кабири дигар бовар накунед. Кабирихам барои халк не, барои худашу хешу табораш харакат карда истодааст. Агар дилаш ба халк месухт баробари Умарали мардума ба рохи хак, халоси аз ин хукумат мубориза мебурду обу руи худашро паст намезад. Кабири тарсид ки агар Умарали биёяд дигар ба у курсии призиденти намерасад. Шахсан ман тарафи Кабири будам,худ хулоса бароред кани кадом суханаш дар бораи озодии халки точик рост меояд. Холохам фурсат дори агар тарафи мардуми бечора боши, боварии мардума аз даст надех.

Ҷавоб диҳед Иқтибос Шикоят

точик

Миёни точикон ва русхо дар вакти аскари чанчол мешавад. Харду гурух омодаги барои набард мегиранд. Шаб ба назди чавони точике омада бедораш мекунанд, барои чанг бархезад. Он нафарро чун бедор карданд, аз масъала пурсида ба пахлуи дигар гашта хоб мекунад. Рафикаш мегуяд, хез. Магар ту точик нести? Он чавон, ки хам боакл буд ва хам аз ислом бохабар, гуфтааст: точик хастам, вале ахмак не. Чаноби Кабири хам точику мусалмону хизби хаст, вале ахмак не.

Ҷавоб диҳед Иқтибос Шикоят

Нахзати

Кабири барои дар зери назари Чаноби оли афтад, ки сохиби вазифа шавад, аз мавкеи хукумату Президент химоят карда истодааст. Акнун ин холи мо чи мешуда бошад?

Ҷавоб диҳед Иқтибос Шикоят

Эзоҳ илова кунед