Шикояти Насимов ба Эмомалӣ Раҳмон аз домодаш
Идимурод Насимов, сокини ноҳияи Айнӣ бо ирсоли як нома унвонии Эмомалӣ Раҳмон, раисиҷумҳури Тоҷикистон ва Додситонии кулли кишвар муҷозоти домодашро талаб кардааст.
Ин сокини ноҳияи Айнӣ рӯзи 27 октябр дар суҳбат ба “Озодагон” гуфт, домоди худ - Дурахшон Мираковро дар марги духтараш – Дилфуза Насимоваи 23-сола ва модари тифли 8-моҳа гунаҳкор медонад. Ӯ мегӯяд, маҳз рафторҳои “номуносиб”-и Дурахшон Мираков боис шудааст, духтараш бо вуҷуди тифли хурд доштан ба ҷони худ қасд намуда, худро ба дарёи Зарафшон андохтааст: “Мисли давраҳои ғулому ғуломдорӣ рафтор карда, Дилфузаро маҷбур мекардааст, ки хонаи падару модар ва хешони падарат намеравию кӯдакро ба касе ҳам нишон намедиҳӣ. Ӯро аз тамоми озодиҳо маҳрум карда, то худкушӣ расонидааст”.
Оқои Насимов мегӯяд, духтараш замоне даст ба худкушӣ задааст, ки ӯ дар Русия буд. Ба гуфтаи вай, борҳо назди модараш омода, аз рафторҳои номуносиби шавҳар шикоят кардааст, вале модари Дилфуза ҳар бор духтарашро ба сабру таҳаммул даъват намуда, дубора ба хонаи шавҳар мефиристодааст. Идимурод дар номаи худ ба раисиҷумҳури Тоҷикистон шикоят кардааст, бо вуҷуди айбдор будани Мираков дар марги духтараш беш аз 5 моҳ мешавад, ҳеч яке аз ниҳодҳои қудратии кишвар ба ин қазия аҳамият надодаанд. Мираковро гӯиё ба хотири гурез аз ҷавобгарӣ ба саффи қувваҳои мусаллаҳи кишвар фиристода ва айни замон дар Горди миллии Тоҷикистон адои хидмат мекунад.
“Касе то имрӯз Мираковро ба ҷавобгарии ҷиноятӣ накашидааст, ӯ боз ба хидмат ба Горди миллии Тоҷикистон гузаштааст. Наход дар Горди миллии Тоҷикистон чунин ашхоси ҷиноятпеша бошанд, ки онҳо оилаи худро лату куб намоянд, занаш аз дасти шавҳар худро ба об партофта, худкушӣ намояд ва касе ин гуна ашхосро ба ҷавобгарӣ накашад. Муҳтарам Президент ва Прокурори генералӣ! Ба доди ман расед. Дар асоси қонун бояд ки дар маҳбас Мираков Д. шинад. Ӯ дар даст яроқ дорад, имкон дорад, аз қисми ҳарбӣ гурехта, моро паронад, кӣ моро ҳифз менамояд? Хоҳиш менамоем, ба доди мо расед”,- омадааст дар номаи сокини ноҳияи Айнӣ ба раисиҷумҳури Тоҷикистон. Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |