28 окт 2014 11:41Тоҷикистон / Тема дня

Таърифи Раҳмон, қонунҳои “коғазӣ” ва мавқеи 115-уми Тоҷикистон

Созмони “Хабарнигорони бидуни марз” бо нашри як гузориш озодии матбуотро дар 180 кишвари ҷаҳон радабандӣ карда, Тоҷикистонро дар ҷойи 115-ум қарор додааст.

Дар гузориши ин созмон, ки барои соли 2014 таҳия шудааст, аз ҷумла омадааст: “Пӯшиши корзори интихоботии раёсати ҷумҳурии соли 2013-и Тоҷикистон дар расонаҳои умумиҷумҳуриявӣ ба шакли возеҳ ба нафъи Эмомалӣ Раҳмон сурат гирифт, ки беш аз бист сол аст кишварро идора мекунад. Масдудсозии худсаронаи хабаргузориҳои интернетӣ ба як амри оддӣ табдил шудааст. Инчунин қонунҳои хубе, ки дар Тоҷикистон расман вуҷуд доранду шароити хуби озодии баёнро пешбинӣ кардаанд, танҳо рӯи коғаз буда, аксаран дар амал иҷро намешаванд.”

Бо вуҷуд Тоҷикистон дар ин гузориш танҳо аз Қирғизистон ақиб монда аз кишварҳои дигари Осиёи Марказӣ пешсаф аст. Аз миёни кишварҳои Осиёи Марказӣ Қирғизистон дар ҷойи 97, Қазоқистон 161, Узбакистон 166 ва Туркманистон дар зинаи 178 қарор гирифтаанд.

“Хабарнигорони бидуни марз” мегӯяд, озодтарин матбуот дар Финляндия, Нидерландия, Норвегия ва маҳдудтарин дар Туркманистон, Кореяи Шимолӣ ва Эритерия мавҷуд аст. Таҳиягарони ин раддабандӣ ба сатҳи гуногунандешӣ, муҳити иттилоотӣ, заминаи қонунӣ, шаффофият, инфрасохтор ва худсензура баҳо додаанд.

Мӯҳр

Хабарҳои монанд:

Кулоби

Озодии матбуоте, ки дар Точикистон вучуд дорад аз аксар кишвархои осиё ба кулли фарк намуда лекин ин кишвархои гарби мехоханд, ки озодие, ки дар мисру дигар кишвархои араби буд ва сабабшам маълум буд тазохуротхои оммави ба хиёбонхо кашидани мардум натичаи охиринаш ташкил намудани ходисахои Украина ва пароканда намудани миллати точик ва чизе, ки ин сарзамин дорад он кишвархо мехоханд ба манфиати худ истифода намоянд.Хаминро мехохан аммо давлат Точикистон аз ходисахои солхои 90-уме, ки дар кишвар гузашт ва мардуми азобдидаи точикро ба вартаи оташу хун кашонид, ходисахое, ки дар кишвархои араби ба миён овард, ки холо хам мардумони ин давлатхо азоби онро чуброн намудаистодаанд ва охирон ходисахое, ки хушдори чидди ба мардуму давлати Точикистон метавонад шуда ин ходисахои Украина буд, ки аз як ходисаи хурди оммави ба чанги шахрванди оварда расонид, ки холо рохи халли онро ташкилкунандахошон кофтаистодаанд аммо намеёбанд ва худо нигах дорад мардуми счарбаланди точикро ки ба игво ва бофтахои кишвархои гаруб россия дода намешаванд

Ҷавоб диҳед Иқтибос Шикоят

Эзоҳ илова кунед