03 ноя 2014 09:47Тоҷикистон / Акс

АКС: Рӯнамоии фарҳанги тоҷикон ба донишҷӯёни беш аз 15 кишвари дунё

Донишҷӯёни тоҷики муқими Русия зимни иштирок дар як чорабинии байналмилалӣ аз фарҳангу таърих ва одоту русуми миллии хеш ба ҳамсабақони худ хабар додаанд.

Ин чорабинӣ охири ҳафтаи гузашта дар Донишгоҳи давлатии Адигеяи Русия баргузор шуда, дар он донишҷӯёни ин таълимгоҳ аз давлатҳои гуногуни дунё, аз ҷумла Итолиё, Чин, Муғулистон, Ниҷерия, Замбия, Қирғизистон, Узбакистон, Қазоқистон, Туркманистон, Афғонистон, Арманистон, Гурҷистон, Озарбойҷон, Яман, Фаластин, Урдун ва Сурия иштирок ва фарҳангу русуми миллии худро муаррифӣ кардаанд.

Дар ин чорабинӣ инчунин донишомӯзони тоҷик дар донишгоҳи Адегия иштирок намуда, ҳамсабақони худро бо урфу одат, маданият, фарҳанг, таърих ва хурокҳои миллии тоҷикон ошно кардаанд. Фарҳод Муминов, яке аз ин донишҷӯёни тоҷик ба “Озодагон” гуфт, чорабинии мазкур аз бахшҳое монанди муаррифи миллат, забон, дин, фарҳангу тамаддун ва зебоии шаҳру манотиқи хеш, хондани шеър дар васфи ватану муҳаббат ба модар ва омода кардани таомҳои миллии худ иборат буд. “Маҳз ба воситаи ин гуна чорабиниву ҷамъомадҳо бузургии халқи худро ба ҷаҳониён бори дигар муарифӣ менамоем, то дар чеҳраи миллати мо ҷаҳониён на танҳо мардуми муҳоҷирро бубинанд, балки донанд ва шиносанд, ки халқи тоҷик бузург асту тарбиятгари ҳазорон ҳазор насли боилму бофарҳанг”,-афзуд номбурда.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

tojik

Ранч бурда модаре фарзанд пайдо мекунад,
Ин писарро посбони руи дунё мекунад.
То шавад пояндаи такдири дунё он писар,
Дар дили фарзанди худ мехри Ватан чо мекунад.

Аҳсан ба модаре, ки чунин фарзандони ғамхори Ватану миллатро ба воя расонидааст!!!

Беватан нест ҳар он кас, ки кунад ёди Ватан
Дар Ватан будаи бе ёди Ватан беватан аст!!!

Шукри чунин фарзандони миллат, ки новобаста аз ҷавон будану дар ғарибӣ буданашон ҳамеша дар ёди Ватану ободии Ватан ҳастанд

Бағафлатмондагон аз ҳоли миллат кай хабар доранд
Дағалбозон куҷо донанд ин маънои борикро:
Замини Тоҷикистон з-он сабаб меларзад
Ки аз хоби гарон бедор созад халқи тоҷикро......

Новобаста ба ҷавониашон ин пуштибонони Ватан ҳар бор Замини Тоҷикистонро ба ларзиш меоранд то халқи бузург боҳамдили пуштибони ҳам бошанд!!! Ин аст мубориза баҳри ободивву озодии миллати куҳанбунёд!!! "Ватандорони Бағафлатмонда" аз фарзандони фарзонаи миллат биомузед!!!

Ҷавоб диҳед Иқтибос Шикоят

tojik

Мар он, ки ба корузори ҳастӣ,
Бе ханҷару бе сипар барояд.
Бе ханҷару бе сипар валекин,
Бо ҷавҳари сад ҳунар барояд

Баҳри каму беши миллати худ,
Бо бешу ками ҷаҳон ситезад.
Он ҷо, ки бирехт хуни нофаш,
Бояд, ки хуни дил бирезад...

Ҷавоб диҳед Иқтибос Шикоят

Эзоҳ илова кунед