11 ноя 2014 09:40Тоҷикистон / Иқтисодӣ
Терминали наву “хизмат”- расониҳои куҳна дар фурудгоҳи Душанбе
Шоми 6-уми ноябр зимни гусели як наздикам дар терминали нави фурудгоҳи байналмилалии Душанбе шоҳиди он шудам, ки гарчанде шароити корӣ нав шудааст, “хизмат”-расониҳои куҳна боқӣ мондаанд. Зоҳиран ҳама зебост, вале сифати хизматрасонӣ то дараҷае метавонад корафтодагонро нороҳат кунад, ки ин зебогиҳо аз мадҳи назар дур мемонанд.
Хеши наздикам-Ашрафмо Худодоваро шоми 6-уми ноябр тариқи ширкати “Тоҷик Эйр” ба Маскав гусел кардам. Бораш ҳудуди 36 килоро ташкил дод, ки аз меъёри муқаррарнамудаи ширкат, ки 20 кило мебошад, 16 кило бештар аст. Барои ҳар килои бори зиёдатӣ мусофир бояд маблағи иловагӣ пардохт кунад.
Дар шуъбаи иттилооти фурудгоҳи Душанбе ба мо гуфтанд, ки мусофир барои ҳар килои барзиёд бояд дар ҳаҷми 1 фоиз аз арзиши чипта маблағ супорад. Худодова чиптаро 1680 сомонӣ харида буд ва тибқи гуфтаҳои шуъбаи иттилоот барои ҳар килои зиёдатӣ бояд, 16 сомонию 80 дирам пардохт мекард. Аммо масъулин дар фурудгоҳ барои ҳар кило 20 сомонӣ ҳисоб карда, дар маҷмуъ аз ӯ 320 сомонӣ гирифтанд, вале дар додани санади пардохт таъхиркорӣ карда, мегуфтанд, ки худамон онро ба ҷои даркорӣ пешниҳод мекунем. Аммо дар ошёнаи дуюми терминали нав Ашрафморо барои надоштани санади пардохти маблағи бори зиёдатӣ бозпас гардонданд ва мо мушоҳида мекардем, чӣ гуна Худодова, ки аз расмиёту қоидаҳои фурудгоҳ хуб огоҳ набуд, саргардон барои санади пардохт ин тараф он тараф медавид.
Аммо масъуле, ки маблағро гирифт ниҳоят бе додани санад Худодоваро аз ниҳодҳои санҷишӣ гузаронда, то ба толори интизории парвоз расондааст. Вақти тамос фаҳмидем, ки Худодова санадро нагирифтааст ва дар толор интизори парвоз аст. Ӯ ниҳоят бо 16 кило бори зиёдатӣ, бо додани 320 сомонӣ ва нагирифтани санади пардохт бомуваффақият соати 21:25 дақиқа аз Душанбе парвоз намуда, бо ҷои лозимӣ расид.
Ин ҷо суоли матраҳ он аст, ки мусофир маблағро пардохт кард, аммо санади расмии тасдиқкунанда ба ӯ дода нашуд. Ин маблағ на ба буҷаи ширкати “Тоҷик Эйр”, ки феълан ғарқи қарз аст, балки ба кисаи як масъул рафт, ки танҳо аз як мусофир 320 сомонии “бе дарди миён” кор кард. Шояд аз ин маблағ барои чанд нафари дигар низ порае расад, аммо дар асл бояд он ба буҷаи ширкати “Тоҷик Эйр”, ширкати миллии ҳавопаймоии Тоҷикистон мерафт, ки феълан ба маблағгузорӣ ниёз дорад.
Ахиран барои беҳбуди вазъи молии ширкат “Тоҷик Эйр” ва Фурудгоҳи байналмилалии Душанберо якҷо намуданду роҳбарии онро Эмомалӣ Раҳмон, раисиҷумҳури Тоҷикистон ба Рустам Холиқов супорид. Аммо тавре ин ҳолат нишон дод, Холиқов низ назоратро ба таври лозимӣ аз болои кори тобеинаш ба роҳ намондааст.
Ин дар ҳолест, ки ахиран Эмомалӣ Раҳмон, раисиҷумҳури Тоҷикистон зимни ифтитоҳи терминали нави фурудгоҳи Душанбе ҳамаи кормандони дахлдорро ба кор бо дасту дили пок даъват намуд ва таъкид кард, ки маҳз онҳо муаррификунандаи фарҳанги миллӣ дар назди меҳмонони хориҷию дохилӣ мебошанд ва нахустин таассурот дар бораи кишвар аз сифати хидматрасонии онҳо вобаста аст.
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
