Русский  >>  فارسی  >>  Шанбе 8 май 2021, 02:26

“Шабохун”-и мусаллаҳона ба нуқтаи мубодилаи асъор дар Душанбе

17 ноябр 2014, 11:26

Вазорати умури дохилии Тоҷикистон аз ҳамлаи мусаллаҳона ба нуқтаи мубодилаи асъор дар кӯчаи Синои шаҳри Душанбе хабар додааст, ки мегӯяд, шаби 15-уми ноябр сурат гирифтааст.

Тавре аз ин ниҳод ба “Озодагон” иттилоъ доданд, “тахминан соати 21:10 дақиқа шахси номаълум бо корд вориди нуқтаи мубодилаи асъор шуда, 3 маротиба ба бадани корманди коргоҳи мазкур- Баллаев Саймуъмин, соли таваллудаш 1981 ва 1 маротиба ба бадани шаҳрванд Ҳайитов Алишер, соли таваллудаш 1981, сокини ноҳияи Шаҳринав бо корд зада, аз он ҷо ҷамъ 7400 доллари ИМА маблағи пулиро тасурруф намуда, аз ҷойи ҳодиса ғайб задааст.”

Ба иттилои манбаъ дар натиҷаи гузаронидани чорабиниҳои оперативӣ-ҷустуҷӯӣ дар ноҳияи Сино ба гумони даст доштан дар ин ҷиноят Игамбердиев Шуҳрат, сокини 37-солаи ноҳияи Шуғнон дастгир гардид: “Аз боздоштшуда далелҳои шайъӣ 1 адад корд ва 7400 доллари ИМА гирифта шуд.”

Вазорати умури дохилии Тоҷикистон мегӯяд, нисбати далели мазкур парвандаи ҷиноятӣ оғоз гардида, тафтишот идома дорад. Ба иттилои ин ниҳод ҷабрдидагон дар беморхона бистарӣ мебошанд.

Ин ҳамла ба нуқтаи мубодилаи асъор дар ҳоле сурат гирифтааст, ки қурби доллар тайи як моҳи охир ба таври рекордӣ боло рафта то 5,45 сомонӣ расидааст.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:
Посух додан
  • Muslim

  • 17 ноябр 2014 12:17
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Оқибаташ ба хайр шавад Аллоҳ нигаҳбон бошад аз золимону дуздон
Посух додан
  • ali

  • 17 ноябр 2014 12:21
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ахсан ба кормандони милиса, ки чуни беинсофонро сари вакт дастгир мекуннд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ахсан ба халки нохияи Сино ки Вайхо дастгир карданд беинсофонро. Кормандои милиса факат пул кор мекунанд.
Посух додан
  • доллар

  • 17 ноябр 2014 14:44
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
саррофро бало зад,бало...барои курбро бози дорондан....ин дарси ибрат шавад барои дигар саррофон..Ахсант Игамбердиев
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Пул 12-370 доллар буд,баьд аз оне ки ба шуъбаи милисаи нохияи Сино даромадан,пул 7400 доллар шуд....
Ба бародармон Саймумин шифои комил орзу дорем....
Аммо 5000$доллар гум ....
дузд дасгир намуданд,мардуми Профсоюз на кормандони милиса,лекин дар шуъбаи милиса 5000 боз бе дарак шуд....

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!