26 ноя 2014 13:38Тоҷикистон / Дин ва зиндагӣ
Тураҷонзода хостори таъсиси телевизион ва минбардиҳӣ ба руҳониёни муътадил шуд
Ӯ ин нуктаҳоро зимни суханронияш дар конгреси “Ҷараёнҳои ифротӣ ва такфирӣ аз дидгоҳи уламои Ислом” баён дошта, барои берун рафтан аз ин буҳрон таъсиси шабакаи моҳвораиро, ки аз сӯйи донишмандони мӯътадили исломӣ идора шавад, пешниҳод кард. Собиқ қозии мусулмонони Тоҷикистон гуфт, “донишмандони бедор бояд як шабакаи моҳвораӣ, ки аз сӯйи ин қишри муътадил назорат мешавад, роҳандозӣ кунанд. Бештари уламои ҷаҳони Ислом мӯътадиланд, вале мутаасифона фақат ифротиҳо ва тундравҳои шиа ва суннии бесавод соҳиби минбар шудаанд”.
Оқои Тураҷонзода дар идома аз рафтору кирдори бархе пайравони дини мубини Ислом бо шиддат интиқод карда, мушкили номуттаҳидии мусулмононро амали бархе афрод донист, ки ба хотири ақида хуни мусулмонони дигарро мубоҳу онҳоро аз зумраи кофирон ном мебаранд: “Мушкили дигар ин аст, ки рафтору кирдори бархе аз мусулмонон боиси мавриди иҳонату тавҳин қарор гирифтани мусулмонони дигар шуда, дар дилашон кина ва нафрат нисбат ба ҳамдигар пайдо мекунад. Агар иттиҳод ва якпорчагии уммати исломӣ иқтизои инро дошта бошад, ки аз ин корҳо даст бардошта шавад, кадом яке авло аст: иттиҳод ва якпорчагӣ ва ё лаъну нафрин? Ин ҷо дигар посух мисли рӯшании хуршед возеҳ аст”.
Ҳоҷи Акбар Тураҷонзода таъкид дошт, сабаби ин ҳама бесаводӣ ва фатвоҳои афроде мебошад, ки аз пеши худ муфтӣ шудаанд: “Бояд ҷилави ин ҳарҷу марҷ дар фатво содир карданҳо гирифта шавад. Ҳаққи фатво доданро фақат бояд фақеҳони ҷомеъушшароит дошта бошанд”.
Дар конгреси “Ҷараёнҳои ифротӣ ва такфирӣ аз дидгоҳи уламои Ислом”, ки аз 23 то 24 ноябри соли равон дар Эрон баргузор шуд, беш аз 300 донишманд ва руҳонии исломӣ аз гӯшаву канори олам иштирок доштанд. Аз Тоҷикистон дар он Муҳиддин Кабирӣ, Ҳоҷи Акбар Тураҷонзода ва Абдулло Муҳаққиқ иштирок доштанд.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
