Амнияти милисаҳои тоҷикро зимни амалиётҳои махсус роботҳо таъмин мекунанд
Сафорати Иёлоти муттаҳидаи Амрико дар Тоҷикистон ба дастаи таъиноти махсуси милисаи Вазорати умури дохилӣ роботҳо барои безараргардонии маводҳои тарканда тақдим кардааст.
Тавре дафтари матбуотии Вазорати корҳои дохилии кишвар хабар медиҳад, маросими тақдими роботҳо барои безараргардонии маводҳои тарканда имрӯз, 28 ноябр бо иштироки Умарзода Икром Ислом, муовини вазири корҳои дохилӣ ва Роберт Бёрҷес, муовини сафири ИМА дар Душанбе сурат гирифтааст.
Ба иттилои манбаъ, роботҳои мазкур бо дастгоҳи махсус идора шуда, вазифаи дарёфт, муайян ва безарар кардани маводҳои тарканда ва худсохтро иҷро менамоянд. Инчунин он барои бехатарӣ ва амнияти кормандон зимни гузаронидани амалиётҳои махсус равона шудааст. “Аз ҷониби мутахассисони Дастаи таъиноти махсуси милиса тарзи кор бо робот ва истифодаи он мавриди безараргардонии маводи тарканда ба ҳозирин намоиш дода шуд. Дар он роботи идорашаванда маводи таркандаи шартиро дар масофаи муайян бо як маҳорати баланд ошкор намуда, несту нобуд сохт”,-меафзояд ВКД.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |