Бахшҳо
20 ноя 2014 13:35Ҳуқуқи инсон

"Облава"-и набуда дар Панҷакент

Хуршед ФОЗИЛОВ

Ҳақбердиев Саидалӣ, ҷавони 24 солаи деҳаи Яккахонаи ҷамоати деҳоти Рӯдакии шаҳри Панҷакент 4 ноябри соли равон пас аз боздошт шуданаш аз тарафи кормандони комиссариати ҳарбии шаҳри Панҷакент, аз рӯи гуфтаи худаш, мавриди шиканҷа қарор мегирад.


ҚУРБОНИИ ПАРДАИ ГӮШ

Замоне мо барои ҳамсӯҳбат шудан бо ӯ ба беморхонаи марказӣ рафтем, Саидалӣ рӯи бистар буд ва волидонаш болои сари ӯ қарор доштанд. Падари ин ҷавон Мирзоалӣ Ҳақбердиев ҳангоми сӯҳбат гуфт, ки писарашро 4 ноябр кормандони комиссариати ҳарбӣ, ки бе либоси низомӣ буданд, бо кӯмаки 2 нафар ҳамдеҳаашон боздошт мекунанд: «Бо вуҷуди он, ки пеш аз ин ба номи писари ман ягон маротиба даъватнома надодаанд, писарам розӣ мешавад, ки хизмати аскарӣ кунад. Зеро ӯ маълумоти олӣ дошту 1 сол хизмат мекард. Аммо ҳангоми аз деҳа ба шаҳр овардан, даруни мошин писарамро намедонам бо кадом сабабе кормандони комиссариати ҳарбӣ мезананд ва дар натиҷа пардаи гӯшаш дарида, беҳуш мешавад ва ӯро ба беморхона меоранд». Хостем назари худи Саидалиро дар ин маврид пурсем, аммо ӯ исрор дошт, ки тавони сӯҳбат карданро надорад. Вале бо ин вуҷуд тавонист бигӯяд, ки онҳо-кормандони комиссариати ҳарбӣ 3 нафар буданд. Вале чун ғайриқонунӣ будани амали онҳо, яъне кормандони комиссариатро гуфтам, 1 нафарашон ба шӯр омада, сари маро ба мошин зер карда, ба баногӯшам сахт зад. Сарам чарх зад ва дигар намедонам чӣ шуд. Чун ба худ омадам, аллакай дар беморхона будам.

КОМИССАР: ТОШЕВ БАЧАИ ХУБ!

Дар ҳамин ҳол комиссари комиссариати ҳарбии ш.Панҷакент, Хуршед Қобилов ҳини сӯҳбат гуфт, ки хабари лату кӯби Ҳақбердиев Саидалӣ ба мантиқ рост нест. Зеро агар кормандони мо ӯро зада бошанд, чаро ягон нафар надидааст? Дар мо ҳама одамони соҳибмаълумот кор мекунанд. Аслан воқеа ин тавр рух додааст:
-Ҳангоми овардани ин нафар аз деҳа, мошин дар гардиши деҳаи Колхозчиён суст мешавад ва Ҳақбериев Саидалӣ худашро аз мошин мепартояд ва ҷароҳат мебардорад. Ин ҷо боз саволе пайдо мешавад, ки агар ӯро кормандони мо зада бошанд, чаро дигар мавзеъаш неву танҳо ҳамон тарафаш, ки худро аз мошин партофтааст, ҷароҳат ёфт? Корманди мо дар ҳамон ҷамоат, ки Урунбек Тошев аст, аз дигар кормандон дида, бачаи беозор мебошад ва ман боварӣ надорам, ки ӯ ба ин амал даст занад.

САНҶИШИ ПРОКУРАТУРА ВА НИГАРОНИИ МОДАР

Модари Саидалӣ, Тӯҳфа Сӯфиева мегӯяд, пас аз ба беморхона овардани писараш 5 ноябр ба прокуратураи ш.Панҷакент аризаи даъвоӣ навиштааст. Аз прокуратураи ш.Панҷакет ба мо хабар доданд, ки муроҷиати Тӯҳфа Сӯфиева қабул ва мавод тартиб дода шуда аз рӯи ваколат ба прокуратураи ҳарбӣ равона гардидааст. Масъалаи «облава», шиканҷа ҳангоми ҷалби ҷавонон ба хизмати ҳарбӣ ва хизмат дар сафи қувваҳои мусаллаҳ замони охир аз масъалаҳои ба қавле интригавӣ буда, зуд-зуд расонаӣ шудан дорад. Зеро ҳатто худи Сарвари давлат сареҳатан зидди «облава» баромада, даъват карда буданд, ки ба ин амали нангин садд гузоранд! Дар ин самт собиқ ташкилоти ассотсиатсияи ҳуқуқшиносони ҷавон «Ампаро» дар шимоли кишвар машғул буд. Вале пас аз «гирудорҳо» ин ташкилот баста шуд. Имрӯз ин масъулиятро Ташкилоти ҷамъиятии «Дафтари озодиҳои шаҳрвандӣ» ба зима дорад ва бо ҳимояи даъватшавандагон ва аскароне, ки мавриди шиканҷа қарор мегиранд, банд аст. Дилшод Ҷӯраев, ҳуқуқшиноси Ташкилоти ҷамъиятии «Дафтари озодиҳои шаҳрвандӣ» мегӯяд, аз кӯча дошта бурдани даъватшаванда амали ғайриқонунӣ маҳсуб меёбад. Алалхусус, ки ба Ҳақбериев Саидалӣ даъватнома надодаанду огоҳӣ ҳам накардаанд.


"Облава"-и набуда дар Панҷакент


Бознашр аз “СССР”
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)