Боздошти писари Нурӣ Моликӣ бо 1,5 миллиард доллар
Аҳмад Моликӣ, писари Нурӣ Моликӣ, нахуствазири пешини Ироқ ба иттиҳоми пулшӯӣ аз сӯи мақомоти амниятии Лубнон боздошт шудааст.
Ба иттилои хабаргузории “ИроқНюз” Моликии хурдӣ аз сӯи амниятиҳои Лубнон дар ҳоле боздошт шуда, ки дар манзили зисташ дар шаҳри Бейрут бо худ ҳудуди 1,5 миллиард доллар пули нақд доштааст.
Манбаъ мегӯяд, Нурӣ Моликӣ, ки ҳоло ба ҳайси муовини нахуствазири Ироқ кор мекунад, озими Лубнон шудааст. Дар ҳоле ки расонаҳо ҳадафи сафари ӯ ба Лубнонро ҳаллу фасли қазияи писараш арзёбӣ мекунанд, Моликӣ гуфта, ки ӯ ба хотири боз ҳам наздиктар кардани равобити Бағдоду Бейрут ба Лубнон омадааст.
Дар ҳамин ҳол, манобеи бонкии Ироқ гуфтаанд, ин бори аввал нест, писари нахуствазири пешини кишварашон дар хориҷ аз ватан ба иттиҳоми пулшӯӣ ва нигоҳ доштани маблағҳои ҳангуфти нақдӣ бо худ боздошт мешавад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |