04 дек 2014 14:11Тоҷикистон / Сиёсат
ҲНИТ=ДИИШ-у Толибон: Сабри Кабирӣ "хок хӯрд"?
Чанде қабл як гурӯҳ кормандони Академияи улуми Тоҷикистон бо пахши изҳороте фаъолияти Ҳизби наҳзати исломии Тоҷикистонро, ки аз суйи коршиносон ягона ҳизбии динии муътадил дар Осиёи Миёна тавсиф мешавад, мавриди интиқоди шадид қарор доданд. Аз ҷумла, ин гурӯҳ таъкид кард, ки миллати тоҷик бо ҲНИТ наметавонад як қадам пеш равад ва бояд барвақт аз саҳнаи сиёсии кишвар дур мешуд. Ин гуруҳи олимон Муҳиддин Кабирӣ, раиси ҲНИТ-ро низ ифротгаро хондаанд.
Ин назар дар ҳолест, ки бисёре аз коршинсон фаъолияти ҲНИТ-ро муътадил арзёбӣ мекунанд ва мегӯянд, ин ҳизб дар бештари мавридҳо аз худ сабру таҳҳаммул нишон додааст. Шокирҷон Ҳакимов, муовини Ҳизби сотсиал-демократи Тоҷикистон дар ин маврид мафзояд: “Ҳамчун олим ва сиёсатмадор то ҳол ифротгароиро дар фаъолияти ин ҳизб мушоҳида накардаам ва баръакс ҳолатҳои мушаххас буданд, ки ба ҷойи аксуламали ҷиддӣ, сабру таҳаммул кардааст”. Ин коршинос дар идома таъкид мекунад, ки кафолати фаъолияти ҲНИТ аз суйи Қонуни асосӣ дар моддаҳои 1, 6, 28 таъмин шудааст.
Таҳлилгарони дигар мегӯянд омилҳои хатар на дар ҳузури ҲНИТ дар саҳнаи сиёсии Тоҷикистон аст, балки дар мушкилоти иҷтимоӣ, фасоди саросарӣ, беэҳтиромӣ ба қонун ва ғайра нуҳуфта аст. Абдуфаттоҳ Шафиев, журналист ва муҳаққиқи расонаҳои иҷтимоӣ мегӯяд, “фасоди саросарӣ, беэҳтиромӣ ба қонун ва манбаъҳои молӣ, нописандӣ нисбат ба мардум, фишор ба дигарандешон, мушкилоти иҷтимоӣ - ин аст хатар ва ин аст ифрот. Дар ҷомеаи озод ба мардум имконияти интихоб дода мешавад. Ба мардум гуфтан, ки инро бикуну, онро накун ин худ як таҳқири мардум аст. Таҳқир аст. Тавҳин аст. Бояд тавҳину таҳқиру фасоду худкомагиву нописандиву беэҳтиромиро манъ кунанд, қонунро барои ҳама як кунанд, мушкилоти иҷтимоиро ҳал бикунанд, на ин ки аз пайи дигарандешону мухолифон бигарданд”.
Қиёси ҲНИТ бо ДИИШ-ро коршинсон дур аз мантиқ медонанд ва мегӯянд ин гуна изҳори назарҳо нодида гирифтани воқеиятҳо мебошад. Ба таъкиди Алим Шерзамонов, як фаъоли ҷомеаи шаҳрвандӣ, ҲНИТ дар тамоми давраи фаъолияташ роҳи таҳаммулгароиро пеш гирифтааст. Алим Шерзамонов мегӯяд, “ҲНИТ дар тӯли фаъолияташ, ҳадди аққал бо аз нав қонунӣ шудани фаъолияташ дар соли 1997, ба маротиб масъулиятшиностар аз тамоми институтҳо, чӣ давлатӣ ва чӣ ғайридавлатии Тоҷикистон худро муаррифӣ карда истодааст. Ин то ба ҳаддест, ки бисёри ҷонибдоронаш аз чунин мавқегирӣ роҳбарияти ҳизбро таҳти танқиди сахт қарор додаанд”.
Иззат Амон, раҳбари Иттиҳоди ҷавонони тоҷик дар Русия меафзояд, ки аслан қиёси ҲНИТ ва ДИИШ дуруст нест, зеро раҳбари ҲНИТ Муҳҳидин Кабирӣ, шахси таҳаммулгаро мебошад: “Аслан қобили муқоиса ҳам нест. ҲНИТ ҳизби расмӣ ва муътадил ва дар дунё шинохташуда аст. Раҳбарии ҲНИТ-ро шахсияте ба монанди Муҳиддин Кабирӣ ба душ дорад. Бояд кур буд, то фарқи миёни Муллоумар ва Кабириро надид”- мегӯяд Иззат Амон, раҳбари Созмони ҷавонони муқими Русия. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
