15 дек 2014 16:31Тоҷикистон / Иқтисодӣ

Шарҳи Бонки миллӣ дар бораи қурби пули миллӣ

Бонки миллии Тоҷикистон мегӯяд, барои муътадил ва устувор нигоҳ доштани қурби асъори миллӣ, дар баробари андешидани чораҳои дигар, афзоши истеҳсоли молу маҳсулоти босифат ва дар бозорҳои ҷаҳонӣ рақобатпазир лозим аст.

Бонки миллии Тоҷикистон баланд бардоштани иқтидори содиротии кишварро яке аз роҳҳои нигоҳ доштани қурби пули миллӣ унвон кардааст. Инчунин ба иттилои масъулини ин ниҳоди молӣ, “зарур аст дар сиёсати берунии иқтисодии кишвар, бахусус дар бахши ҳимояи истеҳсолкунандагони ватанӣ ва дар робита ба маҳдуд кардани воридоти молҳои хориҷие, ки дар дохили ҷумҳурӣ низ истеҳсол мешаванд, қарорҳои марбута қабул карда шаванд”.

Ин ниҳод сабаби беқурбшавии пули миллиро дар баробари бад шудани вазъи иқтисодию молиявии шарики асосии савдои хориҷии Тоҷикистон – Русия, афзоиши устувори ҳаҷми воридоти мол ва кору хизматрасонӣ дар оғози сол ва фарорасии тирамоҳ арзёбӣ кардааст. Бо таваҷҷӯҳ ба ин, манбаъ мегӯяд, касри калони манфии тавозуни савдо бо манфӣ шудани бақияи ҳаҷми умумии маблағҳои асъории ба ҷумҳурӣ воридшаванда ва аз ҷумҳурӣ содиршаванда дар 10 моҳи соли равон сабаб шудааст.

Қурби рубли русӣ дар Тоҷикистон ба таври бесобиқа поён рафта, имрӯз, 15 декабр дар нуқтаҳои мубодилаи асъори Душанбе 1000 рубл аз 92 то 97 сомонӣ арзиш дорад. Ин дар ҳолест, ки қаблан 1000 рубли русӣ ҳудуди 150 сомонӣ нарх дошт. Дар баробари уфти рубл доллар ҳамоно майли гаронӣ дорад ва имрӯз, 15 декабр саррофони нуқтаҳои мубодилаи асъор дар дафтари марказии “Агроинвестбонк” арзиши фурӯши як долларро 5,58 сомонӣ муайян кардаанд. Дар нуқтаҳои мубодилаи асъори “Корвон”, калонтарин бозори Тоҷикистон ин нишондод 5,55-5,56 сомониро ташкил медиҳад. Дар маркази Душанбе саррофон қурби долларро дар овезаҳояшон 5,52 сомонӣ нишон додаанд, вале ба баҳонаи набудани доллар аз фурӯши он худдорӣ мекунанд.

Ин дар ҳолест, ки аввали моҳи равон бо дахолати Бонки Миллӣ, ки ҳамарӯза то 4 миллион долларро барои устувор нигоҳ доштани сомонӣ ба бозор мерехт, як доллар ба 5,28-5,30 сомонӣ баробар буд. Аммо зоҳиран захираҳои Бонки асосии Тоҷикистон низ майл ба камӣ доранд, чун танҳо дар давоми қариб се ҳафтаи охир арзиши як доллар ҳудуди 28-30 сомонӣ болотар рафтааст.

Мӯҳр

Хабарҳои монанд:

Бонкир

28-30 дирам будагист на сомонй болоравии курби доллар

Ҷавоб диҳед Иқтибос Шикоят

Darvesh

....зарур аст дар сиёсати берунии иқтисодии кишвар, бахусус дар бахши ҳимояи истеҳсолкунандагони ватанӣ ва дар робита ба маҳдуд кардани воридоти молҳои хориҷие, ки дар дохили ҷумҳурӣ низ истеҳсол мешаванд, қарорҳои марбута қабул карда шаванд”. ANA HAMI KORA KUNED QURBI SOMONI VA DOLLAR AZ 600 MEGUZARAD. Tojikiston kishvare nest ki bo ozuqavorii khud khudro ta'min namoyad!!! KHATO NAKUNED. PESH AY OB MUZA NAKASHEN!!! Monen az berun khuroka vorid kunand. To tavoned andozi voridkunandaro kam kuned, ki narkh arzontar shavad

Ҷавоб диҳед Иқтибос Шикоят

Эзоҳ илова кунед