17 дек 2014 10:18Тоҷикистон / Сиёсат

Радди мулоқоти Кабирӣ бо Эмомалӣ Раҳмон

Ҳизби наҳзати исломии Тоҷикистон мулоқоти Муҳиддин Кабирӣ, раиси ин ҳизбро бо Эмомалӣ Раҳмон, раисҷумҳури Тоҷикистон рад кард.

Маҳмудҷон Файзраҳмонов, сухангӯи ҲНИТ рӯзи 17 декабр дар суҳбат бо “Озодагон” гуфт, ҳеч мулоқоти раиси ҲНИТ бо Эмомалӣ Раҳмон дар арафаи интихобот сурат нагирифтааст ва хабарҳо дар ин бора беасос мебошанд. Дар дастгоҳи раисиҷумҳури Тоҷикистон низ ба "Озодагон" гуфтанд, ки аз ин мулоқот иттилое надоранд.

Ин дар ҳолест, ки ахиран аз қавли агентиҳои ҳукуматӣ хабари суҳбати рӯбарӯи раиси ҲНИТ бо Эмомалӣ Раҳмон нашр шуд, ки тибқи он гӯиё раисҷумҳур намояндаи мухолифинро хуб пазироӣ кардааст.

Худи Муҳиддин Кабирӣ дар арафаи интихоботи президентии соли 2013 дар суҳбат бо “Озодагон” изҳор дошта буд, ки мақомот ба ду дархости расмияш барои суҳбати рӯ ба рӯ бо Эмомалӣ Раҳмон посухи рад дода, нагузоштаанд, баъзе масъалаҳоро бо шахси аввали ҷумҳурӣ дар миён гузорад: “Мо муроҷиат кардем, кӯшиш кардем ва ҳатто ду бор нома ҳам фиристода, дархости мулоқот кардем. Вале шояд бо сабаби серкорӣ ва ё бо сабабҳои дигар ин мулоқот нашуд.”

Мӯҳр

Хабарҳои монанд:

чинди

Ачабо...чи гуфта бошанд....

Ҷавоб диҳед Иқтибос Шикоят

Хнит

Ин мулокот анчом нагирифтааст овозаи ин мулокотро ниходхои махсус пароканда кардаанд барои коста гардондани обруи хнит пеш аз интихобот

Ҷавоб диҳед Иқтибос Шикоят

Student

Мухтарам хнит ту да кучо диди ки бо президенти кишвар мулокот куни беобруй мешудай. Хайр карда бошанд хам бигзор кунанд хардуяшон одамхои босавод барои оромии ватан кардаанд!

Ҷавоб диҳед Иқтибос Шикоят

Беруни

Кабир дар хар сурат манфиатхои миллат ва арзишхои милли миллаташро аз барномахои муллохо авлотару азиз шуморад. Кабири дорои саводи хуби дуняви хаст ва ин уро байни муллохо фарк мегузорад.

Ҷавоб диҳед Иқтибос Шикоят

Эзоҳ илова кунед