Пуштибонии Маҷлиси миллӣ аз қонуни гирдиҳамоиву роҳпаймоиҳо
Маҷлиси милли Тоҷикистон аз қонуни нав “Дар бораи маҷлисҳо, гирдиҳамоиҳо, намоишҳо ва роҳпаймоиҳо”, ки чанде қабл аз тарафи палатаи поёни парлумони кишвар ба тасвиб расида буд, ҷонибдорӣ кард.
Шавкат Саидов, ёвари раиси Маҷлиси олии кишвар дар суҳбат бо “Озодагон” гуфт, дар ҷаласаи маҷлис, ки рӯзи 24 декабр баргузор шуд, инчунин қонуни нав “Дар бораи хизмати дипломатӣ” ва қонун “Дар бораи назорати содирот” низ ҷонибдорӣ ёфтанд.
Қонуни “Дар бораи маҷлисҳо, гирдиҳамоиҳо, намоишҳо ва роҳпаймоиҳо”, ки дар тарҳи нав қабул гардид, баргузории маҷлису гирдиҳамоӣ ва роҳпаймоиҳои мусоламатомезро ба шаҳрвандони кишвар иҷоза дода, аммо ҳангоми баргузории ин чорабиниҳо маҳдудиятҳое дар ин лоиҳа пешбинӣ шудааст. Он рӯзи 12 ноябр аз сӯи Маҷлиси намояндагони Тоҷикистон ба тасвиб расида буд. Бар асоси ин тарҳи қонун баргузории маҷлису гирдиҳамоӣ ва роҳпаймоиҳои осоишта иҷозат дода мешавад. Ташаббускорони чунин чорабиниҳо 15 рӯз пештар бояд барои гузарондани он ба ҳукумати маҳалҳо ариза навишта, теъдоди иштирокдорон, ҳадаф ва ҷою вақти баргузорияшро дақиқ созанд. Дар лоиҳаи қонун гуфта шудааст, ки иштирокдорони ин чорабиниҳо набояд рӯйи худро пӯшонанд.
Ба гуфтаи Шавкат Саидов, аъзои Маҷлиси миллӣ низ зимни баррасии масъалаҳо ба гузоришҳои раисони Кумитаҳои маҷлис, аз ҷумла Бахтиёр Худоёрзода, Убайдулло Қурбон ва Фарҳод Раҳимӣ пешниҳодгардида, ворид намудани тағйиру иловаҳо ба як зумра қонунҳои ҷумҳурӣ, ки бо мақсади такмилу мукаммалгардонӣ ва мутобиқсозии ҳар кадоми онҳо ба санадҳои меъёрии ҳуқуқии дар Тоҷикистон амалкунанда, ки аз ҷониби субъектҳои ҳуқуқӣ ташаббуси қонунгузорӣ таҳия гашта, баъд аз қабули Маҷлиси намояндагони Маҷлиси Олӣ унвонии Маҷлиси миллӣ пешниҳодёфтаро бо мавриди муҳокима қарор додан, ҷонибдорӣ намуданд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |