Эмомалӣ Раҳмон амниятиҳоро ба хизмати содиқона ва далерию матонат ҳидоят кардааст (АКС)
Эмомалӣ Раҳмон, райисҷумҳури Тоҷикистон рӯзи гузашта, 27 декабр ба Кумитаи давлатии амнияти миллӣ рафта, роҳбарият ва ҳайати шахсии онро бо иди касбиашон табрик гуфтааст.
Тавре дафтари матбуотии президентхабар медиҳад, раисҷумҳур дар оғози боздид аз кумита бинои нави толори варзишии онро ифтитоҳ намуд: “Тавре аён гардид, ин бинои зебою барҳаво аз толори калони универсалӣ, толори хурди обутоби бадан бо таҷҳизоти варзишӣ ва толору утоқҳои ёрирасон ба мисли ҷойи ивази либос, гармоба, бунгоҳи тиббӣ ва ғайра иборат буда, бо истифода аз масолеҳи муосири сохтмонию таҷҳизӣ ва шабакаи ягонаи гармидиҳӣ бунёд ёфтааст”.
Дар ҷамъомади тантанавӣ бошад, Эмомалӣ Раҳмон аз қаҳрамонию ҷонфидоиҳои бешумори кормандони мақомоти амнияти миллии Тоҷикистон дар солҳои гузашта ёдовар шуда, насли имрӯзи ин мақомотро ба сабақомӯзӣ аз саҳифаҳои ибратбахши таърихи пуршарафи ин соҳа ва ба хизмати содиқона ва далерию матонат дар иҷрои вазифаҳои пурмасъулият ҳидоят кардааст. “Омодасозии босифати кадрҳои соҳа, пайваста баланд бардоштани маҳорату малакаи касбии кормандон ва сохторҳои махсус ва муборизаи беамон бо ҷинояткории созмонёфтаи фаромиллӣ, хусусан терроризму ифротгароӣ, ки аз хатарҳои асосии ҷаҳони имрӯз ба шумор мераванд, аз ҷумлаи вазифаҳои аввалиндараҷаи Кумитаи давлатии амнияти миллӣ номида шуд”,-меафзояд манбаъ.
Дафтари матбуотии президент мегӯяд, бо изҳори қаноат аз боздошти чандин гурӯҳҳои террористию ифротгаро, ки қасди ба роҳ мондани амалиётҳои мудҳишро дар ҳудуди Тоҷикистон доштаанд, таъкид гардид, ки барои пешгирӣ ва бартараф намудани чунин хатарҳо ва таъмини ҳаёти амну осоиштаи мардуми кишвар аз тамоми имкону захираҳо бояд босамар истифода шавад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |