“Тошкандро зора намекунем, худро таъмин ва боз ба тоҷикон газ медиҳем”
Алмосбек Отамбоев, раисиҷумҳури Қирғизистон мегӯяд, аз тирамоҳи соли 2015 кишвараш бо гази худӣ таъмин хоҳад шуд ва ҳатто имкон дорад, газро ба Тоҷикистон содир кунад.
Отамбоев дар ҷаласаи ҷамъбастии солонааш таъкид намудааст, газ аз ҷониби Узбакистон ҳамчун фишанги фишороварӣ истифода мешуд, ки дигар ба кор нахоҳад рафт: “Худо дод. Дар ҷануби кишвар захоири худӣ пайдо шуданд ва дар кишвар низоми ягонаи таъминот бо гази худӣ ташкил мешавад. Бо Маскав дар ин бора суҳбатҳо доштем ва Қирғизистон тирамоҳи соли оянда метавонад бо гази худӣ таъмин бошад ва ҳатто метавонад ба кишварҳои ҳамсоя, аз ҷумла Тоҷикистон онро интиқол диҳад.”
Раисиҷумҳури Қирғизистон гуфтааст, дар сурате агар Тошканд интиқоли газро аз сар бигирад ҳам Бишкек аз коркарди манобеъ ва лӯлаи гази худӣ даст намекашад: “Аз ҳар боре, ки худро паст зада Узбакистонро зора мекунем, беҳтараш гази худиро ба даст орем.”
Отамбоев гуфтааст, пас аз анҷоми ин лоиҳа нархи 1 ҳазор метри мукааб аз 200 доллар боло намеравад. Дар ҳоле, ки ба гуфтаи ӯ Узбакистон 1000 метри мукааби газашро ба ивази 295 доллари амрикоӣ ба Қирғизистон интиқол медод.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |